બમ્પર રિટર્ન / જેણે 1 લાખ રૂપિયા લગાવ્યા તેના બની ગયા 16 કરોડ, આ મલ્ટીબેગર શેરનો ભાવ રૂ.2થી વધીને રૂ.3000ને પાર

• આયશર મોટર્સના શેર 2 રૂપિયાથી વધીને 3000 રૂપિયાની પાર પહોંચ્યા
• રોકાણકારોને 1,50,000 ટકાથી વધુનુ રિટર્ન આપ્યું
• આયશર મોટર્સના શેરના 52 અઠવાડિયાનુ હાઈ લેવલ 3512.75 રૂપિયા

આયશર મોટર્સે છપ્પરફાડ રિટર્ન આપ્યું

રૉયલ એનફીલ્ડ ટ્રેડમાર્કનુ લાઈસન્સ રાખનારી કંપની આયશર મોટર્સે છપ્પરફાડ રિટર્ન આપ્યું છે. આયશર મોટર્સના શેર છેલ્લાં થોડા વર્ષોમાં 2 રૂપિયાથી વધીને 3000 રૂપિયાની પાર પહોંચી ગયા છે. કંપનીના શેરોએ આ પીરિયડમાં રોકાણકારોને 1,50,000 ટકાથી વધુનુ રિટર્ન આપ્યું છે. આયશર મોટર્સના શેરનો 52 અઠવાડિયાનુ હાઈ લેવલ 3512.75 રૂપિયા છે. તો કંપનીના શેરના 52 અઠવાડિયાનુ લો લેવલ 2110 રૂપિયા છે. 

1 લાખ રૂપિયા બની ગયા 16 કરોડ રૂપિયાથી વધુ 

આયશર મોટર્સના શેર 24 ઓક્ટોબર 2001ના રોજ બોમ્બે સ્ટોક એક્સચેન્જમાં 2.10 રૂપિયાના સ્તરે હતા. કંપનીના શેર 2 સપ્ટેમ્બર 2022ના રોજ બીએસઈમાં 3421.75 રૂપિયાના સ્તરે બંધ થયા છે. કંપનીના શેરોએ આ સમયગાળામાં 150000 ટકાથી વધુનુ રિટર્ન આપ્યું છે. જો કોઈ વ્યક્તિએ 24 ઓક્ટોબર 2001ના રોજ કંપનીના શેરોમાં 1 લાખ રૂપિયા લગાવ્યા હોત અને પોતાના રોકાણને જાળવી રાખ્યુ હોત તો હાલના સમયમાં આ પૈસા 16.29 કરોડ રૂપિયા હોત.

211 રૂપિયાથી 3400ને પાર પહોંચ્યા આયશરના શેર

આયશર મોટર્સના શેરોએ છેલ્લાં 10 વર્ષમાં સારું રિટર્ન આપ્યું છે. કંપનીના શેર 31 ઓગષ્ટ 2012ના રોજ બોમ્બે સ્ટોક એક્સચેન્જમાં 211.16 રૂપિયાના સ્તરે હતા. કંપનીના શેર 2 સપ્ટેમ્બર 2022ના રોજ બીએસઈમાં 3421.75 રૂપિયાના સ્તરે બંધ થયા છે. જો કોઈ વ્યક્તિએ 10 વર્ષ પહેલા કંપનીના શેરમાં 1 લાખ રૂપિયા લગાવ્યા હોત અને તેના રોકાણને જાળવી રાખ્યુ હોત તો હાલના સમયમાં આ પૈસા 16.20 લાખ રૂપિયા હોત. છેલ્લાં 28 મહિનામાં આયશર મોટર્સના શેર 1266.70 રૂપિયાથી વધીને 3421.75 રૂપિયે પહોંચી ગયા છે.