કોરોના મહામારી વચ્ચે મલ્ટી સિસ્ટમ ઈંફ્લામેન્ટ્રી સિન્ડ્રોમના કેસમાં ચિંતા વધી છે, કોરોના નેગેટિવ આવ્યા બાદ બાળકોમાં લક્ષણો જોવા મળી રહ્યા છે. ત્યારે MIS-Cથી 2 બાળકોના મોત થતાં હડકંપ મચ્યો છે.
MIS-Cના કારણે બે બાળકોએ ગુમાવ્યા જીવ
કોરોના બાદ MIS-Cનો ખતરો
અમદાવાદ સિવિલ હોસ્પિટલમાં હતા સારવાર હેઠળ
ઉલ્લેખનીય છે કે, ગુજરાતમાં કોરોનાના વધી રહેલા કેસ વચ્ચે બાળકોમાં નવો રોગ જોવા મળ્યો છે. મ્યુકરમાઈકોસીસ જેવો મલ્ટી સિસ્ટમ ઈંફ્લામેન્ટ્રી સિન્ડ્રોમના કેસ નોંધાયા છે. અમદાવાદમાં અત્યાર સુધીમાં 10 જેટલા મલ્ટી સિસ્ટમ ઈંફ્લામેન્ટ્રી સિન્ડ્રોમના કેસ નોંધાયા છે. કોરોના નેગેટિવ આવ્યા બાદ બાળકોમાં લક્ષણો જોવા મળી રહ્યા છે. આ રોગ MIS-C ના નામથી જાણીતો છે.
સિવિલ હોસ્પિટલમાં 2 બાળકોના થયાં મૃત્યુ
અમદાવાદની સિવિલ હોસ્પિટલમાં MIS-Cથી 2 બાળકોના મૃત્યુ નિપજ્યા છે. ગંભીર સ્થિતિમાં સારવાર માટે આવેલા એક બાળકનું MIS-Cના કારણે લોહીનું દબાણ ઓછું થવાની મૃત્યુ થયું. જ્યારે અન્ય બાળકનું હ્રદય, મગજ અને લીવર ફેલ થવાથી મૃત્યુ છે.
MIS-C બીમારીના 10 બાળકો લઈ રહ્યા હતા સારવાર
અમદાવાદની સિવિલ હોસ્પિટલમાં MIS-C બીમારીના 10 બાળકો દાખલ થયા હતા. સામાન્ય રીતે કોરોના બાદ બાળકોમાં MIS-Cની બીમારી જોવા મળી રહી છે. આ બીમારીનો સૌથી વધુ પ્રભાવ 18 વર્ષથી ઓછી ઉંમરના દર્દીઓ પણ જોવા મળી રહ્યો છે.
ક્યા બાળકોને થાય છે ?
જે બાળકોને કોરોના થયો છે અને મુક્ત થયાં છે તેવા બાળકો અને 18 વર્ષ સુધીના બાળકોમાં MIS-C રોગ થાય છે.
બાળકોમાં જોવા મળ્યો નવો રોગ
કોરોના બાદ બાળકોમાં નવા પ્રકારનો રોગ બહાર આવ્યો છે, જે અત્યારસુધી માત્ર અભ્યાસમાં જ દેખાયો છે. અને એક લાખે એક બાળકને અને એ પણ વિદેશમાં જ જોવા મળતો હતો. પરંતુ કોરોનાકાળમાં ભારતમાં આ રોગે દસ્તક દીધી છે. અમદાવાદના બાળરોગ નિષ્ણાત હાર્દિક પટેલના જણાવ્યા પ્રમાણે મલ્ટીસિસ્ટમ ઈન્ફ્લામેન્ટરી સિન્ડ્રોમ ઈન ચિલ્ડ્રન નામના આ રોગમાં બાળકોની આંખો લાલ થવી, જીભ લાલ થવી, દાણા નીકળવા, સોજા ચડવા તેમજ પેટ અને અન્ય અંગોમાં પાણી ભરાવા જેવી સમસ્યા અચાનક વધી જાય છે. અને આ બધુ બાળકના શરીરમાં કોરોના પછી એન્ટિબોડી વધી જવાને કારણે સર્જાય છે. બાળકોમાં આ એન્ટિબોડી હાઇપર એક્ટિવ થતાં શરીરના દરેક કોષ પર અસર કરે છે. શરીરનું રક્ષણ કરવાને બદલે ડેમેજ કરવા લાગે છે. ગુજરાતના ઘણા શહેરોના બાળકોમાં મલ્ટીસિસ્ટમ ઈન્ફ્લામેન્ટરી સિન્ડ્રોમ ઈન ચિલ્ડ્રન નામનો રોગ જોવા મળી રહ્યો છે.
મલ્ટિ સિસ્ટમ ઈન્ફ્લામેન્ટ્રી સિન્ડ્રોમ
મલ્ટિ સિસ્ટમ ઈન્ફ્લામેન્ટ્રી સિન્ડ્રોમ ઈન ચિલ્ડ્રનને મેડિકલની ભાષામાં MIS-C કહે છે
રોગ PIMS એટલે કે પીડિયાટ્રીક મલ્ટિસિસ્ટમ ઈન્ફલામેન્ટ્રી સિન્ડ્રોમ તરીકે પણ ઓળખાય
કોરોના બાદ 4થી 6 અઠવાડિયા પછી અમુક બાળકોમાં આ રોગ જોવા મળ્યો છે
મલ્ટિ સિસ્ટમ ઈન્ફ્લામેન્ટ્રી સિન્ડ્રોમના લક્ષણો
આંખો લાલ થવી, જીભ લાલ થવી, ઝાડા ઊલટી
શરીરમાં દાણા નીકળવા, સોજા ચડવા
પેટ અને અન્ય અંગોમાં પાણી ભરાવા જેવી સમસ્યા
એન્ટિબોડીને કારણે સર્જાય છે સમસ્યા?
બાળકોમાં કોરોના થયા બાદ 4થી 6 અઠવાડિયા રોગ જોવા મળે છે
બાળકોમાં કોરોના થયા બાદ શરીરમાં એન્ટિબોડી બને છે
બાળકોમાં એન્ટિબોડી હાઇપર એક્ટિવ થતા શરીરના કોષ પર અસર કરે છે
એન્ટિબોડી શરીરનું રક્ષણ કરવાને બદલે બાળકોને નુકસાન કરવા લાગે છે
વાયરસ વિરુદ્ધ બનેલા એન્ટિબોડી વધુ સક્રિય થઈ ફેફસા, હૃદય, કિડની, લિવરને નુકસાન કરી શકે છે