IPLIN
 
  • Home
  • India
  • Mullah Abdul Ghani Baradar to become new president of afghanistan under taliban regime

BIG NEWS / અફઘાનિસ્તાનમાં ફરી તાલિબાનનું રાજ : રાષ્ટ્રપતિની રેસમાં આ બે નામ સૌથી આગળ

Team VTV 05:41 PM, 15 Aug 21 | Updated: 06:32 PM, 15 Aug 21
Follow us
Mullah Abdul Ghani Baradar to become new president of afghanistan under taliban regime

હવે અફઘાનિસ્તાનનાં નવા રાષ્ટ્રપતિ તરીકે અબ્દૂલ ગની બરાદરની વરણી થશે તે નક્કી છે. 

  • રાષ્ટ્રપતિ ભવનમાં તાલિબાન નેતા 
  • અબ્દૂલ ગની બરાદર નવા રાષ્ટ્રપતિ બનશે
  • અબ્દૂલ ગની બરદર રાષ્ટ્રપતિ ભવન પહોંચ્યા 
  • અફઘાનિસ્તાનના મોટાભાગના રાજ્યો પર કબજેા

મુલ્લા બરાદર બનશે નવા રાષ્ટ્રપતિ 
અફઘાનિસ્તાનનાં મોટા ભાગનાં રાજ્યો અને રાજધાની કાબુલ પર કબજો કર્યા બાદ હવે અફઘાનિસ્તાનનાં નવા રાષ્ટ્રપતિ તરીકે અબ્દૂલ ગની બરાદરની વરણી થશે તે નક્કી છે. વર્ષો બાદ ફરીથી અફઘાનિસ્તાન પર તાલિબાન પોતાનું શાસન સ્થાપવા જઈ રહ્યું છે અને થોડા જ કલાકોમાં સમગ્ર સત્તાનું ટ્રાન્સફર તાલિબાનનાં હાથમાં કરી દેવામાં આવશે. જોકે અમુક મીડિયા અહેવાલમાં અલી એહમદ જલાલીને સત્તા સોંપાય તેવી અટકળો પણ ચાલી રહી છે. 

આજે જ થોડા સમય પહેલા જ સમાચાર સામે આવ્યા હતા કે અબ્દૂલ ગની બરાદર રાષ્ટ્રપતિ ભવન પહોંચ્યા છે. 

કોણ છે આ મુલ્લા અબ્દુલ ગની બરાદર
મુલ્લા અબ્દુલ ગની આતંકવાદી તાલિબાનનાં ઉપનેતા છે અને દુનિયાનાં અન્ય દેશો સાથે વાતચીતની કમાન પણ મુલ્લા બરાદરનાં હાથમાં જ હતી. તેને પાકિસ્તાનમાં વર્ષ 2010માં પકડી દેવામાં આવ્યો હતો જે બાદ એક સમજૂતીથી પાકિસ્તાને તેને 2018માં છોડી મૂક્યો. 

આતંકનાં ઓછાયામાં અફઘાનિસ્તાન
છેલ્લા ઘણા સમયથી તાલિબાન ધીમે ધીમે કરીને અફઘાનિસ્તાનનાં જુદા જુદા શહેરો પર કબજો કરી રહ્યું છે ત્યારે આ કડીમાં આજે અફઘાનિસ્તાનનો છેલ્લો કિલ્લો એટલે કે કબૂલ પણ તાલિબાને કબજે કરી લીધું છે. લાંબા સંઘર્ષ અને લોહિયાળ જંગ બાદ સરકાર તાલિબાન સામે ઝૂકી ગઈ છે. 

Mullah Abdul Ghani Baradar

અસ્થાયી પ્રશાસનના માધ્યમથી સત્તા સોંપાશે: મિર્ઝાકવાલ
અફઘાનિસ્તાન સરકાર દ્વારા નિર્ણય લેવાયો છે કે સરકાર ચૂપચાપ તાલિબાનને સત્તા સોંપી દેશે અને કોઈ જ યુદ્ધ કરવામાં આવશે નહીં. અફઘાનિસ્તાનમાં અત્યારે અમેરિકાનું રેસ્ક્યૂ મિશન ચાલી રહ્યું છે એવામાં આ મિશન પતે એટલે તરત જ સત્તા તાલિબાનને સોંપી દેવામાં આવશે. અફઘાનિસ્તાનનાં  કાર્યવાહક આંતરિક મંત્રી મિર્ઝાકવાલે કહ્યું છે કે કાબુલમાં તાલિબાનો અને સેના આમને સામને નહી આવે તથા અસ્થાયી પ્રશાસનના માધ્યમથી સત્તા સોંપાશે. 

બળજબરીથી કાબુલમાં પ્રવેશ નહીં કરીએ-તાલિબાન
બીજી તરફ તાલિબાન તરફથી પણ જાહેર નિવેદન આપી દેવામાં આવ્યું છે કે સ્થાનિકોએ અફઘાનિસ્તાન છોડવું નહીં. તાલિબાને વાયદો કર્યો છે કે બળજબરીથી કાબુલમાં પ્રવેશ નહીં કરીએ તથા દુતાવાસોને કોઈ જ ખતરો નથી. 

કાબુલ રૂપી છેલ્લો કિલ્લો પણ ધ્વસ્ત 
એક તરફ જ્યાં ભારત પોતાની આઝાદીનાં પર્વની ઉજવણી કરી રહ્યું છે ત્યાં બીજી તરફ અફઘાનિસ્તાનમાં તાલિબાન શાસન ફરીથી લાગુ થવા જઈ રહ્યું છે. તાલિબાન દેશની રાજધાની કાબુલમાં આવી ચડ્યું છે મીડિયા અહેવાલ ત્યાં ખૂનનો ખેલ રમાઈ રહ્યો છે. કાબુલમાં તાલિબાન તરફથી આદેશ આપી દેવામાં આવ્યા છે કે જે સામાન્ય નાગરિકો છે તે ઘરમાં જ રહે. 

તાલિબાનીઓ કહી રહ્યા છે કે હવે સત્તા હસ્તાંતરણ કરી દેવામાં આવે. સૂત્રો અનુસાર માનવામાં આવી રહ્યું છે કે બસ હવે થોડા કલાકોમાં જ અફઘાનિસ્તાનમાં સત્તા પલટો થઈ જશે. એવામાં આખા વિશ્વની નજર હવે કાબુલ પર છે. 

તાલિબાનનું શાસન શરૂ 
કાબુલને તાલિબાને ચારે તરફથી ઘેરી લીધું છે. તાલિબાને કહ્યું કે અમારે બળપૂર્વક કબજો કરવો ન હતો પરંતુ એવું કરવું પડી રહ્યું છે. 

afghanistan Taliban jalalabad afghanistan kabul news abdul ghani baradar
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ