IPLIN
 

સંસદની બે તસ્વીર / સ્મૃતિ ઈરાનીએ મુલાયમ સિંહના પગે પડી આશીર્વાદ લીધાં, રાહુલ ગાંધી સાથે આંખો તો મળી પણ વાત ન થઈ

Team VTV 04:33 PM, 31 Jan 22
Follow us
mulayam singh yadav blesses union minister smriti irani

સંસદનું બજેટ સત્ર આજથી શરૂ થઈ ગયું છે. આ દરમિયાન સંસદ પરિસરમાં કેટલાય નેતાઓ જોવા મળ્યા હતાં. તેમાં ઉડીને આંખે વળગે તેવી અમુક તસ્વીર સામે આવી છે.


સંસદનું બજેટ સત્ર આજથી શરૂ થઈ ગયું છે. આ દરમિયાન સંસદ પરિસરમાં કેટલાય નેતાઓ જોવા મળ્યા હતાં. તેમાં ઉડીને આંખે વળગે તેવી અમુક તસ્વીર સામે આવી છે. જેમાં કેન્દ્રીય મંત્રી સ્મૃતિ ઈરાની અને સમાજવાદી પાર્ટીના સંસ્થાપક અને સંરક્ષક મુલાયમ સિંહ યાદવ છે. હકીકતમાં સંસદના પ્રવેશ દ્વાર બહાર નિકળતી વખતે સ્મૃતિ ઈરાની અને મુલાયમ સિંહ યાદવ આગળ પાછળ હતા. આ દરમિયન સ્મૃતિની નજર મુલાયમ સિંહ યાદવ પર પડી. મુલાયમને જોતા સ્મૃતિ ઈરાનીએ તેના નમન કરીને આશીર્વાદ લીધા હતા, જો કે, આ સમયે મુલાયમ સિંહ યાદવને સીડીઓ ઉતરવામાં તકલીફ થઈ રહી હતી. જેને લઈને તુરંત સ્મૃતિ ઈરાનીએ તેમને સહારો આપવાની કોશિશ કરી હતી. જો કે, બાદમાં સુરક્ષાકર્મી ત્યાં પહોંચી ગયા હતા અને મુલાયમ સિંહને પકડી લીધા હતાં.

 

સ્મૃતિ ઈરાની અને રાહુલ ગાંધીની એક નજર થઈ, પણ વાત ન થઈ

આ ઉપરાંત સ્મૃતિ ઈરાનીની વધું એક તસ્વીર સામે આવી છે. તેમાં રાહુલ ગાંધી અને તેમના વચ્ચે એક નજર થઈ પણ બંને વચ્ચે કોઈ વાતચીત થઈ નહોતી. લોકસભાની સીડીઓ પર બંને નેતાઓ અલગ અલગ ઊભા હતાં. એક બાજૂ રાહુલ ગાંધી, કોંગ્રેસ મહાસચિવ કેસી વેણુગોપાલની પાસે ઊભા હતા, તો વળી સ્મૃતિ ઈરાની કેન્દ્રીય મંત્રી મુખ્તાર અબ્બાસ નકવીની સાથે વાત કરતા દેખાયા હતા.

 

નકવીએ પણ આપ્યો મુલાયમને સાથ

કેન્દ્રીય મંત્રી મુખ્તાર અબ્બાસ નકવી પણ સંસદમાં સમાજવાદી પાર્ટીના સંરક્ષક મુલાયમ સિંહ યાદવને સહારો આપતા દેખાયા હતા. જો કે, આ બંને નેતાઓ વચ્ચે થોડી વાર વાતચીત પણ થઈ હતી.

Budget 2022 mulayam singh yadav Smriti Irani Parliament ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ