આપણા સૌના પ્રિય શક્તિમાને વિવાદો સાથે એવો અટૂટ સંબંધ બનાવી લીધો છે, જાણે હવે તે જન્મોજનમનો રહેશે. ધ કપિલ શર્મા શૉ પર મુકેશ ખન્નાને ન બોલાવ્યા તે બાદ શરૂ થયેલો વિવાદ હજૂ સુધી શમ્યો નથી ત્યારે હાલમાં જ મુકેશ ખન્નાનો એક જુનો વીડિયો વાયરલ થઇ રહ્યો છે જેમાં તે મીટૂ પર બોલી રહ્યાં છે.
મુકેશ ખન્નાનું મહિલાઓ માટેનું નિવેદન
શક્તિમાન આવ્યા ફરી વિવાદમાં
જૂનો વીડિયો થઇ રહ્યો છે વાયરલ
Actor turned right wing rabble rouser Mukesh Khanna says women going out to work and thinking of being equal to men is cause of #metoopic.twitter.com/1sZ37GudTy
મહિલાઓ પર નિવેદન
વાયરલ વીડિયોમાં મુકેશ ખન્નાએ મહિલાઓને ઘરની બહાર નીકળીને કામ કરવા પર વિરોધ જતાવ્યો છે. તે માને છે કે મહિલાઓનું ઘરની બહાર નીકળવું જ પ્રોબ્લેમનું મૂળ છે. સાથે જ તેમણે આ નિવેદનને મીટુ કેમ્પેઇન સાથે જોડી દીધુ હતુ.
તેમણે કહ્યું કે આ મીટુની પ્રોબ્લેમ જ ત્યારે શરૂ થઇ જ્યારે મહિલાઓએ ઘરેથી બહાર જઇને કામ કરવાનું શરૂ કરી દીધુ, આજે તે પુરુષો સાથે ખભેથી ખભો મિલાવીને કામ કરી રહ્યાં છે પરંતુ તેનુ બાળક સફર કરે છે અને બાળકને આયા સાથે રહેવું મજબૂરી બની જાય છે. બાદમાં તે બાળક આયા સાથે બેસીને ઘરે ક્યોંકી સાસ ભી કભી બહુ થી જેવી સિરીયલ જોવે છે.
મુકેશ ખન્ના થયા ટ્રોલ
વીડિયોમાં મુકેશ સ્પષ્ટપણે કહે છે કે પુરુષ પુરુષ હોય છે અને સ્ત્રી સ્ત્રી હોય છે. જેનો કહેવાનો મતલબ હજાર રીતે કાઢી શકાય તેમ છે. આ વીડિયો વાયરલ થયા બાદ તેને લોકો સોશ્યલ મિડીયા પર ભરપૂર ટ્રોલ કરી રહ્યાં છે, મુકેશ સામે આવીને સફાઇ આપે છે કે કેમ તે તો ભગવાન જ જાણે પરંતુ હાલ તો મુકેશને લોકોનો ગુસ્સો સહન કરવો પડી રહ્યો છે. કેટલાક લોકો એવા પણ છે કે મુકેશ ખન્નાની સિરીયલ્સ અને શોઝને બોયકોટ કરવાની માંગ પણ કરી રહ્યાં છે.