Shaktimaan Movie / બાળકોના સુપરહીરો શક્તિમાનની આવી રહી છે ફિલ્મ, 200-300 કરોડનું હશે બજેટ, મુકેશ ખન્નાએ પાડ્યો ફોડ

• ટીવીનો સુપરહિટ શો શક્તિમાન ફિલ્મના રુપે જોવા મળશે 
• મુકેશ ખન્નાએ ફિલ્મ શક્તિમાન સાથે જોડાયેલી વાતો શેર કરી
• સ્પાઈડર મેન બનાવનારી કંપની સોની પિક્ચર્સ દ્વારા પ્રોડ્યુસ કરવામાં આવશે

એક જમાનામાં બાળકો ટીવી પર ભારતીય સુપરહીરો શો શક્તિમાન માટે દિવાની હતા. માત્ર બાળકો જ નહીં, પુખ્ત વયના લોકો પણ શક્તિમાનના નવા એપિસોડની રાહ જોતા હતા. સોની પિક્ચર્સે ગયા વર્ષે આ જ શક્તિમાન અવતાર સાથે ફિલ્મ બનાવવાની જાહેરાત કરી હતી. જો કે હજુ ફિલ્મ શરૂ થઈ નથી. ફિલ્મ કેમ મોડુ થઇ રહ્યું છે અને કયા સ્કેલ પર બનશે? અસલી શક્તિમાન એટલે કે મુકેશ ખન્નાએ આવા જ કેટલાક મહત્વના સવાલોના જવાબ આપ્યા છે.

મુકેશ ખન્નાએ ફિલ્મ શક્તિમાન સાથે જોડાયેલી વાતો શેર કરી છે. તેણે કહ્યું છે કે આ ફિલ્મ ઈન્ટરનેશનલ લેવલ પર બનવા જઈ રહી છે. તેણે કહ્યું, “કોન્ટ્રેક્ટ પર હસ્તાક્ષર કરવામાં આવ્યા છે. આ ખૂબ જ ઉચ્ચ કક્ષાની ફિલ્મ છે. એક ફિલ્મનું બજેટ 200-300 કરોડ રૂપિયા હશે. તેને સ્પાઈડર મેન બનાવનારી કંપની સોની પિક્ચર્સ દ્વારા પ્રોડ્યુસ કરવામાં આવશે.”

શા માટે થઇ રહ્યુ છે મોડુ?
ફિલ્મની શરુઆતમાં મોડુ થયા અંગે તેણે કહ્યું કે, પહેલા કોરોના વાયરસ રોગચાળાને કારણે તેમાં મોડુ થયુ હતું. મેં મારી ચેનલ પર જાહેરાત કરી કે ફિલ્મ બની રહી છે. ઉલ્લેખનીય છે કે, થોડા સમય પહેલા સમાચાર આવ્યા હતા કે શક્તિમાન પર બની રહેલી ફિલ્મમાં રણવીર સિંહ લીડ રોલમાં જોવા મળશે. જો કે હજુ સુધી આ અંગે કોઈ સત્તાવાર જાહેરાત કરવામાં આવી નથી. બેસિલ જોસેફને ફિલ્મના નિર્દેશનની જવાબદારી મળી છે.

શું શક્તિમાનમાં જોવા મળશે મુકેશ ખન્ના 
મુકેશ ખન્નાએ જોકે, આ વિશે કહ્યું કે, ફિલ્મમાં શક્તિમાનનું પાત્ર કોણ ભજવશે. તે પોતે હશે કે અન્ય કોઈ અભિનેતા શક્તિમાન બનશે. જો કે, તેઓએ ચોક્કસપણે કહ્યું કે તે મારા વિના શક્તિમાન બની શકશે નહીં. દરેક વ્યક્તિ આ જાણે છે. તેણે કહ્યું કે હવે શું કહું, કદાચ હું શક્તિમાનના ગેટઅપમાં કોઈ રોલ કરવા માંગતો નથી. મારે આ બંધ કરવું પડશે કારણ કે તેઓ સરખામણી કરવા માંગતા નથી. પણ ફિલ્મ આવી રહી છે. ફાઇનલ જાહેરાત ટૂંક સમયમાં થશે. પછી તમને ખબર પડશે કે કોણ હશે (મુખ્ય પાત્ર).