ચુકાદો / કુખ્યાત આરોપી મુકેશ હરજાણીની હત્યા કેસમાં સંડોવાયેલ 11 આરોપીઓને પુરાવાના અભાવે નિર્દોષ જાહેર

વડોદરામાં ત્રણ વર્ષ અગાઉ કુખ્યાત ગેંગસ્ટર મુકેશ હરજાણીની ગોળી મારીને હત્યા કરી દેવામાં આવી હતી. ત્યારે આ કેસમાં 11 જેટલા આરોપીઓને કોર્ટે નિર્દોષ જાહેર કરીને મુક્ત કરવાનો આદેશ આપ્યો હતો. આ કેસની તપાસમાં મુકેશ હરજાણીની હત્યા કરવા વપરાયેલ હથિયાર શોધવામાં સફળતા મળી ન હતી. જેને લઇને પુરાવાના અભાવે શંકાનો લાભ આપીને તમામ 11 આરોપીઓને કોર્ટે નિર્દોષ જાહેર કર્યા હતા. હજુ આ હત્યા કેસમાં 4 જેટલા આરોપીઓ વોન્ટેડ જાહેર છે.

11 આરોપીઓ નિર્દોષ જાહેર

મુકેશ હરજાણી હત્યા કેસમાં આજે કલ્પેશ પટેલ, સંજય (આરડીએક્સ), અનિલ ગગવાણી, વિજયકુમાર ઉદવાણી સહિત તમામ 11 આરોપીઓને નિર્દોષ જાહેર કરીને મૂક્ત કરવાનો આદેશ કરવામાં આવ્યો છે. 

ત્રણ વર્ષ અગાઉ જેલમાંથી છુટીને આવેલ મુકેશ હરજાણી રાત્રીના સમયે વડોદરાના હરણી રોડ પર વૃંદાવન ટાઉનશીપ ખાતે તેમના મિત્રને મળવા ગયો હતો. તે દરમિયાન કુખ્યાત મુકેશ હરજાણીની નવ રાઉન્ડ ફાયરિંગ કરીને હત્યા કરવામાં આવી હતી. જે મામલે પોલીસે કુલ 11 આરોપીઓની ધરપકડ કરી લીધી હતી.