સુશાંત સિંહ રાજપૂતના અવસાનથી સમગ્ર બોલિવૂડ જગત આઘાતમાં છે. ત્યારે મુંબઈ પોલીસ અત્યાર સુધી આ મામલે 10 લોકોના નિવેદન નોંધી ચૂકી છે. બુધવારે પોલીસે કાસ્ટિંગ ડિરેક્ટર અને સુશાંતના મિત્ર મુકેશ છાબડાની પૂછપરછ કરી હતી.
સુશાંતના નિધનથી અનેક સવાલો ઊભા થઈ ગયા છે
પોલીસે અત્યાર સુધી 10 લોકોની કરી પૂછપરછ
તો સુશાંતના મિત્ર અને ડિરેક્ટર મુકેશ છાબડાએ જણાવી આ વાત
મુકેશ છાબડાએ કહ્યું કે તેઓ સુશાંતને એક ફિલ્મમાં ડિરેક્ટ કરી ચૂક્યા છે. આ ફિલ્મ ટૂંક સમયમાં રિલીઝ થવાની છે. મુકેશે કહ્યું કે, સુશાંત એક ઈન્ટેલિજન્ટ એક્ટર હતો. પણ સુશાંત ફોન ફ્રેન્ડલી વ્યક્તિ નહોતો. તે પ્લેસ્ટેશન રમતો હતો. તેને એસ્ટ્રોનોમીમાં ખૂબ જ રસ હતો. જ્યારે તે એસ્ટ્રોનોમી, પ્લેસ્ટેશન અથવા રીડિંગમાં વ્યસ્ત રહેતો હતો ત્યારે ફોન ઉપાડતો નહોતો. તેમના સુશાંત સાથે પોઝિટિવ સંબંધો હતા. તેમણે સુશાંતની હેલ્થને લઈને કોઈ વાત કહી નહીં. 27 મેના મુકેશના બર્થડે પર સુશાંતે તેમને વિશ કર્યા હતા અને બંનેએ ફોન પર વાત કરી હતી.
સુશાંત સમાજ માટે ઘણું બધું કરવા માંગતો હતો. જેમ કે, 100 બાળકોના નાસા મોકલવા માંગતો હતો. સુશાંત ઘણો જ અંતમુખી વ્યક્તિ હતો અને તે લોકો સાથે કામની વાતો તો કરી લેતો હતો પરંતુ પર્સનલ લાઈફ અંગે તે કોઈને સાથે કંઈ શેર કરતો નહોતો. સુશાંતના કરિયરના શરૂઆતી સમયમાં તેની સાથે કામ કરી ચૂકેલા લોકો સાથે પણ પૂછપરછ થઈ શકે છે.
તમને જણાવી દઈએ કે, સુશાંતના ઘરેથી 4-5 ડાયરી પણ મળી છે. તે આ ડાયરીમાં બુક્સમાંથી કેટલીક અગત્યની બાબતો લખતો હતો. આ સિવાય સુશાંતે નાગાલેન્ડ મુખ્યમંત્રી રિલીફ ફંડમાં 1 કરોડથી વધુ રકમમ દાનમાં આપી હતી, શોધખોળ દરમિયાન તેની પણ રિસીપ્ટ તેના ઘરેથી મળી છે. જોકે, ડિપ્રેશન અને તેના સુસાઈડથી જોડાયેલી કોઈપણ વસ્તુ મળી આવી નથી.