આ વર્ષની સૌથી રોયલ અને મોસ્ટ એવેઇટેડ વેડિંગમાંથી એક મુકેશ અને નીતા અંબાણીની દિકરી ઇશા અંબાણી 12 ડિસેમ્બરે આનંદ પિરામલ સાથે લગ્નના બંધન બંધાઇ જશે. જોકે અંબાણી પરિવારમાં અત્યારથી જ લગ્નનું સેલિબ્રેશન શરૂ થઇ ગયુ છે. ઇન્ટરનેટ પર વાયરલ કેટલીક ફોટોઝમાં ઘરના સભ્યો ગુજરાતી આઉટફિટમાં જોવા મળી રહ્યા છે.
શુક્રવારે રાત્રે થયેલા આ સમારોહમાં ઈશાએ પોતાના દાદી કોકિલાબેન અંબાણીનો આશીર્વાદ લીધો. આ દરમિયાન રાસ-ગરબાનું આયોજન કરવામાં આવ્યુ હતુ જેના બાદ લગ્નની તમામ કાર્યક્રમો શરૂ થશે.
હાલમાં જ મેક-અપ આર્ટિસ્ટ માઈકી કોન્ટ્રાકટ્રે નીતા અંબાણીનો ચણિયાચોળીમાં તૈયાર થયેલો લૂકનો ફોટો શૅર કર્યો છે. અંબાણી પરિવારે ડાંડિયા ફેસ્ટથી લગ્નના સેલિબ્રેશનની શરૂઆત કરી દીધી છે. રાસ-ગરબા માટે ઈશા અંબાણી પર ખાસ ડિઝાઈનર આઉટફીટમાં જોવા મળી હતી.
તમને જણાવી દઇએ કે લગ્ન બાદ ઈશા અને તેના ભાવિ પતિ આનંદ પીરામલ મુંબઈના વર્લીમાં સી ફેસિંગ એક એપાર્ટેમેન્ટ બનાવશે. લગ્ન પછી મુંબઇના Gulita બંગલામાં શિફ્ટ થશે. આ બંગલો અંબાણીની એન્ટિલિનાની જેમ આલિશાન અને ભવ્ય હશે. પીરામલ પરિવારે 2012માં આ પ્રોપર્ટી ખરીદી હતી જેની કિમંત 452 કરોડ રૂપિયા છે. હિંદુસ્તાન યૂનિલિવર જેનું Gulitaમાં ટ્રેનિંગ સેન્ટર હતુ તેણે 6 વર્ષ પહેલા પીરામલ પરિવારને આ પ્રોપર્ટી વેચી હતી. ખાસ વાત એ છે કે એપાર્ટમેન્ટ ઇશાને સાસુ-સસરાની તરફથી લગ્નની ભેટ હશે. BMCએ આ વર્ષે 19 સપ્ટેમ્બરના પીરામલને પ્રોપર્ટી ઓક્યૂપાઇ કરવાની મંજૂરી આપી દીધી હતી.