બિઝનેસ / મુકેશ અંબાણીના ત્રણ વેવાઈ... ત્રણેય પાસે અઢળક સંપત્તિ, જાણો સૌથી અમીર કોણ

• મુકેશ અંબાણીના છે ત્રણ વેવાઈ
• ત્રણેય છે અરબપતીઓની લિસ્ટમાં શામેલ 
• જાણો કોણ છે સૌથી વધારે અમીર 

દેશની સૌથી વેલ્યુએબલ કંપની રિલાયન્સ ઈન્ડસ્ટ્રીઝ લિમિટેડના ચેરમેન અને એશિયાના બીજા સૌથી ધનીક મુકેશ અંબાણીના ઘરે ટૂંક સમયમાં લગ્નના ઢોલ વાગવાના છે. ગુરૂવારે તેમના નાના દિકરા અનંત અંબાણીના રાધિકા મર્ચન્ટની સાથે 'રોકા' સંપન્ન થયો. મુકેશ અંબાણીના ત્રણ વેવાઈ છે અને ત્રણેયની પાસે ખૂબ જ સંપત્તિ છે. પરંતુ શું તમે જાણો છો કે ત્રણેયમાં કોણ સૌથી વધારે ધનીક છે? 

પીરામલ ફેમિલીની વહુ છે ઈશા અંબાણી 
અંબાણી ફેમિલીનો ભાગ બનેલા દેશના આ અમીર લોકોમાં સૌથી પહેલા વાત કરીએ તો મુકેશ અંબાણી અને નીતા અંબાણીની દિકરી ઈશા અંબાણીના સસરા અજય પીરામલની.

ઈશા પર રિલાયન્સ રિટેલ વેન્ચર્સની જવાબદારી છે. તેના લગ્ન 12 ડિસેમ્બર 2018એ પીરામલ ફેમિલીમાં આનંદ પીરામલની સાથે થયા હતા. અજય પીરામલના નેતૃત્વ વાળુ પીરામલ ગ્રુપ દેશના મોટા કોર્પોરેટ ઘરોમાં શામેલ છે. 

ખૂબ મોટો છો પીરામલ ગ્રુપનો વ્યાપાર 
મુકેશ અંબાણીના વેવાઈ અને ઈશા અંબાણીના સસરા અજય પીરામલ દેશના દિગ્ગજ ઉદ્યોગપતિમાં શામેલ છે. તેમની કંપની પીરામલ એન્ટરપ્રાઈઝ ફાર્મા, હેલ્થકેયર અને ફાઈનાન્શિયલ સર્વિસ સાથે જોડાયેલી છે.

પીરામલ ગ્રુપની બ્રાન્ચ દુનિયાના 30 દેશોમાં છે. ફક્ત 22 વર્ષની ઉંમરમાં 1977માં કપડા વ્યવસાયના વેપારની સફરની શરૂઆત કરનાર પીરામલની ફાર્મા સેક્ટમાં ખાસ ઓળખ છે. 

અજય પીરામલની પાસે છે આટલી સંપત્તિ 
પીરામલ બોર્ડમાં અજય પીરામલ ઉપરાંત તેમની પત્ની સ્વાતિ પીરામલ વાઈસ ચેરમેન છે. તે ઉપરાંત દિકરી નંદિની અને દિકરો આનંદ પણ બોર્ડમાં શામેલ છે. કુલ સંપત્તિની વાત કરીએ તો Forbsના અનુસાર અજય પિરામલની નેટવર્થ 3.32 અરબ ડોલર છે.

ફોર્બ્સની રિયલ ટાઈમ લિસ્ટને જોઈએ તો તેમની નેટવર્થની સાથે ભારતના સૌથી અમીર વ્યક્તિઓમાં 67 વર્ષીય અજય પીરામલ 62માં સ્થાને છે. 

2019માં થયા હતા મોટા દિકરાના લગ્ન 
મુકેશ અંબાણી અને નીતા અંબાણીના મોટા દિકરા આકાશ અંબાણીના સસરાની વાત કરી. આકાશ અંબાણીના લગ્ન 9 માર્ચ 2019એ શ્લોકા મહેતાની સાથે થયા હતા. શ્લોકા હીરાના વેપારી અરૂણ રસેલ મહેતાની દિકરી છે. દેશના ફેમસ વ્યાપારીઓમાં તેમની ગણતરી થાય છે અને દુનિયાના ઘણા દેશોમાં તેમના વ્યાપાર છે. 

શ્લોકાના પિતા Russel Mehtaની નેટવર્થ
અંબાણી ફેમિલીની મોટી વહું શ્લોકા મહેતાના પિતા અને મુકેશ અંબાણીના વેવાઈ રસેલ મહેતા Rosy Blue કંપનીના MD છે. જે દુનિયાની ટોપ ડાયમંડ કંપનીઓમાં ગણાય છે.

ભારતમાં 26 શહેરોમાં તેના 36થી વધારે સ્ટોર્સ છે. તે ઉપરાંત આજે કંપની દુનિયાના 12 દેશોમાં હીરાનો વ્યાપાર કરે છે. એક રિપોર્ટ અનુસાર, અરૂણ રસેલ મહેતાની અંદાજીત નેટવર્થ લગભગ 3,000 કરોડ રૂપિયાથી વધારે છે. 

હવે વીરેન મર્ચન્ટ બનવા જઈ રહ્યા છે વેવાઈ 
વાત કરીએ મુકેશ અંબાણીના ઘરમાં એન્ટ્રી લેવા જઈ રહેલી રાધિકા મર્ચન્ટના પિતા વીરેન મર્ચન્ટની તો તે પણ અબજપતિઓની લિસ્ટમાં છે. વીરેન મર્ચન્ટ હેલ્થકેર કંપની Encoreના સીઈઓ છે.

મીડિયા રિપોર્ટ્સ અનુસાર, તેમની કુલ નેટવર્થ લગભગ 755 કરોડ રૂપિયા છે. જણાવી દઈએ કે ક્લાસિક ડાન્સરના રૂપમાં જાણીતી રાધિકા પોતાના પિતાના વેપારમાં પણ તેમની મદદ કરે છે.