રિલાયન્સ ઇન્ડસ્ટ્રીઝના ચેરમેન મુકેશ અંબાણીનું નેટવર્થ ગત 9 મહીનામાં દરેક દિવસે 2620 કરોડ રૂપિયા વધ્યું છે. ફોર્બ્સ મેગેઝિન મુજબ માર્ચ 2019માં અંબાણીનું નેટવર્થ 50 બિલિયન ડોલર હતું જે 3.656 લાખ કરોડ રૂપિયા બરાબર છે.
મુકેશ અંબાણીનું નેટવર્થ ગત 9 મહીનામાં દરેક દિવસે 2620 કરોડ રૂપિયા વધ્યું
માર્ચ 2019માં અંબાણીનું નેટવર્થ 50 બિલિયન ડોલર હતું
2014 બાદ મુકેશ અંબાણીના નેટવર્થમાં સતત વધારો થતો ગયો
6 ડિસેમ્બર સુધી તેઓનું નેટવર્થ 59.9 બિલિયન નોંધવામાં આવ્યું છે. તેનો અર્થ એ થયો કે અંબાણીએ પોતાની નેટવર્થમાં દર મહીને (એપ્રિલથી નવેમ્બર) સુધી 1.2 બિલિયન ડોલરનો વધારો કર્યો. જો આ રકમને ભારતીય રૂપિયામાં બદલવામાં આવે તો આ 2620 કરોડ રૂપિયા પ્રતિ મહીનો થાય છે.
મુકેશ અંબાણીનું નેટવર્થ ગત 9 વર્ષમાં બેગણુ થયું છે. માર્ચ 2010માં તેઓની નેટવર્થ 29 બિલિયન ડોલર હતું. 2010 બાદ તેમના નેટવર્થમાં 2014 સુધી ઘટાડો નોંધવામાં આવ્યો. 2014માં આ 18.6 બિલિયન ડોલર નોંધવામાં આવ્યું હતું. ત્યારબાદ મુકેશ અંબાણીના નેટવર્થમાં સતત વધારો થતો ગયો જે 2019માં 50 બિલિયન ડોલર પર પહોંચી ગયો.
નોંધનીય છે કે, ફોર્બ્સ મેગેઝિને હાલમાં જ ભારતના 100 સૌથી ધનિક લોકોનું લીસ્ટ જાહેર કર્યું હતું. જેમા એકવાર ફરી મુકેશ અંબાણીએ બાજી મારી હતી. મુકેશ અંબાણી સતત 11મી વાર પહેલા નંબર પર રહ્યા હતા. મુકેશ અંબાણી 59.9 બિલિયન ડોલર સાથે દુનિયાના 13માં સૌથી ધનિક વ્યક્તિ છે.
ગત મહીને રિલાયન્સ ઇન્ડસ્ટ્રીઝ 10 લાખ કરોડ રૂપિયાના માર્કેટ કેપ વાળી દેશની પહેલી કંપની બની છે.