જે શખ્સે કાર પાર્ક કરી હતી તેનો ચહેરો સીસીટીવી ફૂટેજમાં દેખાયો
આ શખ્સે માસ્ક પહેરી રાખ્યું હતું
માથાના ભાગને પણ ઢાંકી રાખ્યો હતો
મુંબઈ પોલીસના એક સિનિયર અધિકારીના જણાવ્યાનુસાર જે શખ્સે કાર પાર્ક કરી હતી તેનો ચહેરો સીસીટીવી ફૂટેજમાં દેખાઈ રહ્યો છે. આ શખ્સે માસ્ક પહેરી રાખ્યું હતું અને માથાના ભાગને પણ ઢાંકી રાખ્યો હતો. જે કારમાંથી જિલેટીનની છડીઓ મળી છે તેને મુંબઈના વિક્રોલી વિસ્તારમાંથી ચોરવામાં આવી હતી. ગાડીનો ચેસિસ નંબર ભૂંસી નાખવામાં આવ્યો છે પરંતુ પોલીસ તેના અસલી માલિક સુધી પહોંચવામાં સફળ રહી છે.
પોલીસે કાર માલિકની ઓળખ કરી છે. આ કાર મુંબઈના જે જે વિસ્તારમાંથી પસાર થઈ હતી ત્યાંના સીસીટીવી ફૂટેજ મેળવાઈ રહ્યાં છે. ક્રાઈમ બ્રાન્ચ અને એટીએસ તપાસ કરી રહી છે. આ દરમિયાન ગાડીમાં જે ચિઠ્ઠી મળી છે. તેનાથી મોટો ખુલાસો થયો છે.
શંકાસ્પદ ગાડીમાં મળેલી ચિઠ્ઠીમાં કહેવામાં આવ્યું છે કે આ તો ફક્ત એક ટ્રેલર છે. નીતા ભાભી, મુકેશ ભાઈ આ તો ફક્ત એક ઝલક છે. નેક્સ ટાઈમ સામાન પુરો તમારી પાસે આવશે અને સંપૂર્ણ તૈયારીઓ થઈ ગઈ છે.
અંબાણી પરિવારની હિલચાલ પર નજર રાખવામાં આવી રહી છે
સૂત્રોના જણાવ્યાનુંસાર આ ગતિવિધિઓને અંજામ આપવા માટે લાંબા સમયથી પ્લાનિંગ કરવામાં આવી રહી હતી. આરોપી ગાડીને ઘરની એકદમ નજીક ઉભી રાખવા ઈચ્છતો હતો પરંતુ સુરક્ષાના કારણે એ ન થઈ શક્યુ. તેના દ્વારા અંબાણી પરિવારની હિલચાલ પર નજર રાખવામાં આવી રહી છે. દરેક કોન્વેને ટ્રેક કરવામાં આવી રહ્યો હતો.
સીટ પર મુંબઈ ઈન્ડિયન્સની બેગ રાખવામાં આવી હતી
જાણકારી મુજબ જે સ્કોર્પિયો કાર મળી છે તેની સીટ પર મુંબઈ ઈન્ડિયન્સની બેગ રાખવામાં આવી હતી. મુંબઈ ઈન્ડિયન્સ આઈપીએલની ક્રિકેટ ટીમ છે. જેની માલિકી મુકેશ અંબાનીની છે. બેગમાં ધમકી ભરેલી ચિઠ્ઠી હતી. જે વ્યક્તિએ સ્કોર્પિયોને ત્યાં પાર્ક કરી તે ગાડી ઉભી રાખી ઈનોવા કારમાં બેસી જતો રહ્યો હતો