શંકાસ્પદ ગાડીમાં મળેલી ચિઠ્ઠીમાં કહેવામાં આવ્યું છે કે આ તો ફક્ત એક ટ્રેલર છે.
સીટ પર મુંબઈ ઈન્ડિયન્સની બેગ રાખવામાં આવી હતી
સુરક્ષા વધારી દેવામાં આવી હતી
શંકાસ્પદ ગાડીમાં મળી ચિઠ્ઠી જેમાં લખ્યું કે ...
શંકાસ્પદ કાર સાથે જોડાયેલા મામલામાં તપાસ ચાલુ
મુંબઈમાં બિઝનેસમેન મુકેશ અંબાણીના ઘરની બહાર ગત દિવસે મળેલી શંકાસ્પદ કાર સાથે જોડાયેલા મામલામાં તપાસ ચાલુ છે. ક્રાઈમ બ્રાન્ચ અને એટીએસ તપાસ કરી રહી છે. આ દરમિયાન ગાડીમાં જે ચિઠ્ઠી મળી છે. તેનાથી મોટો ખુલાસો થયો છે.
શંકાસ્પદ ગાડીમાં મળી ચિઠ્ઠી જેમાં લખ્યું કે ...
શંકાસ્પદ ગાડીમાં મળેલી ચિઠ્ઠીમાં કહેવામાં આવ્યું છે કે આ તો ફક્ત એક ટ્રેલર છે. નીતા ભાભી, મુકેશ ભાઈ આ તો ફક્ત એક ઝલક છે. નેક્સ ટાઈમ સામાન પુરો તમારી પાસે આવશે અને સંપૂર્ણ તૈયારીઓ થઈ ગઈ છે.
સુરક્ષા વધારી દેવામાં આવી હતી.
ઉલ્લેખનીય છે કે મુંબઈ મુકેશ અંબાણીના ઘર એન્ટિલિયાની બહાર ગત દિવસે એક સ્કોર્પિયો કાર મળી હતી. જેમાં જિલેટિન સ્ટિક મળી આવી હતી. આ બાદ અહીં તપાસ કરવામાં આવી. સુરક્ષા વધારી દેવામાં આવી હતી.
અંબાણી પરિવારની હિલચાલ પર નજર રાખવામાં આવી રહી છે
સૂત્રોના જણાવ્યાનુંસાર આ ગતિવિધિઓને અંજામ આપવા માટે લાંબા સમયથી પ્લાનિંગ કરવામાં આવી રહી હતી. આરોપી ગાડીને ઘરની એકદમ નજીક ઉભી રાખવા ઈચ્છતો હતો પરંતુ સુરક્ષાના કારણે એ ન થઈ શક્યુ. તેના દ્વારા અંબાણી પરિવારની હિલચાલ પર નજર રાખવામાં આવી રહી છે. દરેક કોન્વેને ટ્રેક કરવામાં આવી રહ્યો હતો.
સીટ પર મુંબઈ ઈન્ડિયન્સની બેગ રાખવામાં આવી હતી
જાણકારી મુજબ જે સ્કોર્પિયો કાર મળી છે તેની સીટ પર મુંબઈ ઈન્ડિયન્સની બેગ રાખવામાં આવી હતી. મુંબઈ ઈન્ડિયન્સ આઈપીએલની ક્રિકેટ ટીમ છે. જેની માલિકી મુકેશ અંબાનીની છે. બેગમાં ધમકી ભરેલી ચિઠ્ઠી હતી. જે વ્યક્તિએ સ્કોર્પિયોને ત્યાં પાર્ક કરી તે ગાડી ઉભી રાખી ઈનોવા કારમાં બેસી જતો રહ્યો હતો.
જિલેટિનનું નાગપુર કનેક્શન
પોલીસ સૂત્રોનું કહેવું છે કે આરોપી ઈચ્છતો હતો કે તે તમામની નજરમાં આવે. એ રીતે તેણે પ્લાનિંગ કર્યુ છે. જે કંપનીનું જિલેટિન આ ગાડીમાં હતુ. તે નાગપુરની કંપની છે મુંબઈ ક્રાઈમ બ્રાન્ચની ટીમ હવે અહીં આવી આ મામલાની તપાસ કરી રહી છે. ક્રાઈમ બ્રાંચની 10 ટીમ તપાસમાં જોડાઈ છે. આ મામલામાં અત્યાર સુધી 5 શંકાસ્પદો પર નજર રખાઈ રહી છે. સાથે આસપાસના સીસીટીવી તપાસાઈ રહ્યા છે.
CRPF રિવ્યૂ કરશે સુરક્ષા
ઉલ્લેખનીય છે કે શંકાસ્પદ કાર મળતા અહીં સુરક્ષા વધારી દેવાઈ છે. આ ઉપરાંત મુકેશ અંબાણી પાસે જે CRPFની સુરક્ષા છે તે તેનો રિવ્યૂ કરશે. CRPF દ્વારા અંબાણીના ક્લોઝ પ્રોટેક્શનમાં લાગેલા જવાનોની સંખ્યાને વધારી દેવામાં આવી છે. સાથે મુંબઈ પોલીસની રિપોર્ટના આધાર પર આગળની સુરક્ષાને વધારે મજબૂત કરવામાં આવી છે. આ મામલે કેસ દાખલ કરી દેવાયો છે. મુંબઈ પોલીસની સાથે સાથે એટીએસની ટીમ, ડોગ સ્ક્વોર્ડ અને એન્ટી બોમ્બ સ્ક્વોર્ડ પણ તપાસ કરી રહી છે. સાથે આતંકી એંગલ પર પણ તપાસ થઈ રહી છે.