જાણીતા ઉદ્યોગપતિ મુકેશ અંબાણીની કંપની રિલાયન્સ ઈન્ડસ્ટ્રીઝે વધુ એક સફળતા મેળવી લીધી છે. જી હા, રિલાયન્સ ઈન્ડસ્ટ્રીઝે ફ્યુચરબ્રાન્ડ લિસ્ટ 2020માં બીજું સ્થાન મળ્યું છે. રિલાયન્સ ઈન્ડસ્ટ્રીઝની આ સફળતા એવા સમયમાં હાંસલ થઈ છે, જ્યારે કંપનીનું માર્કેટ કેપ 14 લાખ કરોડ રૂપિયાની પાર પહોંચી ગયું છે અને કંપની હાલ દેવામુક્ત થઈ ગઈ છે. તો રિલાયન્સના શેરનો ભાવ પણ 2200 રૂપિયાના સ્તર પર છે.
રિલાયન્સ ઈન્ડસ્ટ્રીએ વધુ એક સફળતા મેળવી
ફ્યુચરબ્રાન્ડ લિસ્ટ 2020માં બીજું સ્થાન મળ્યું
કંપનીનું માર્કેટ કેપ 14 લાખ કરોડ રૂપિયાની પાર પહોંચ્યું છે
રિલાયન્સ કંપનીના આ લિસ્ટમાં સામેલ થવાનો અર્થ એ છે કે તે હવે દુનિયાની બીજી સૌથી મોટી બ્રાન્ડ બની ચૂકી છે. આ લિસ્ટમાં રિલાયન્સથી આગળ APPLEનું નામ છે. રિલાયન્સની ગતિ જોઈને હવે આ કંપની પર પણ ખતરો મંડરાઈ રહ્યો છે. અનુમાન રાખવામાં આવી રહ્યું છે કે આગામી દિવસોમાં રિલાયન્સ ઈન્ડસ્ટ્રીઝ જ દુનિયાની સૌથી મોટી બ્રાન્ડ બની જશે.
મુકેશ અંબાણીને જાય છે ક્રેડિટ
ફ્યુચર બ્રાન્ડના રિપોર્ટમાં કહેવાયું છે કે રિલાયન્સની સફળતાનું શ્રેય મુકેશ અંબાણીને મળે છે. તેઓએ કંપનીને નવી ઓળખ આપી છે. આજે કંપની પેટ્રોરસાયણમ, વીજળી, કપડાં, પ્રાકૃતિક સંસાધન, દૂર સંચાર જેવા વિસ્તારોમાં કામ કરી રહી છે. એટલું જ નહીં ગૂગલ અને ફેસબુકે પણ કંપનીમાં ભાગીદારી કરી છે. એટલું જ નહીં રિલાન્યસ ઈન્ડસ્ટ્રીઝ દરેક માપદંડ પર ખરી ઉતરી છે. તે ભારતની સૌથી વધારે નફો કરનાર કંપનીઓમાંની એક છે.
જાણો લિસ્ટમાં ટોપ 10માં કઈ બ્રાન્ડનો થઈ રહ્યો છે સમાવેશ
લિસ્ટમાં પહેલા નંબરે એપલ, ત્યારબાદ રિલાયન્સ અને ત્રીજા નંબરે સેમસંગ છે. 4થા ક્રમે એનવીડિયા, 5મા ક્રમે મોતાઈ, 6ઠ્ઠા ક્રમે નાઈકી, 7મા ક્રમે માઈક્રોસોફ્ટ, 8મા ક્રમે એએસએમએલ, 9મા ક્રમે પેપાલ અને નેટફ્લિક્સ 10મો ક્રમ ધરાવે છે.