આ ભારતીય રિટેલ સેક્ટરમાં એક મોટો ફેરફાર છે. તેમાં રિલાયન્સે એમેઝોન, ફ્લિપકાર્ટ, બિગ બાસ્કેટ જેવી રિટેલ કંપનીઓને મોટો પડકાર ફેંક્યો છે.
વોટ્સએપ પર ગ્રોસરીનો લઈ શકાશે ઓર્ડર
ભારતીય રિટેલ સેક્ટરમાં એક મોટો ફેરફાર
ઝુકરબર્ગ અને અંબાણી કરવા જઈ રહ્યા છે મોટું કામ
મુકેશ અંબાણીના નેતૃત્વ વાળી રિલાયન્સ રિટેલે હવે વોટ્સએપ (WhatsApp) પર ગ્રોસરીનો ઓર્ડર લેવાનું શરૂ કરી દીધુ છે. આ ભારતીય રિટેલ સેક્ટરમાં એક મોટો ફેરફાર છે. તેનાથી રિલાયન્સે એમેઝોન, ફ્લિપકાર્ટ, બિગ બાસ્કેટ જેવા રિટેલ કંપનીઓને મોટો પડકાર આપ્યો છે.
જોકે કંપની હાલ આ સુવિધા ઈનવિટેશન દ્વારા આપી રહી છે. બ્લૂમબર્ગના એક રિપોર્ટ અનુસાર, રિલાયન્સે હવે ભારતીય લોકોને આ સુવિધા આપી છે કે WhatsAppમાં tap and chat બટન દ્વારા જીયોમાર્ટ JioMart સુધી પહોંચી શકાય છે.
આ લોકોને મળશે પડકાર
તેનાથી એમેઝોન અને વોલમાર્ટના સ્વામિત્વ વાળી ફ્લિપકાર્ટ Flipkartને મોટી પ્રતિસ્પર્ધા મળશે. રિપોર્ટ અનુસાર, WhatsApp દ્વારા શોપિંગ ઈનવિટેશન મેળવનાર એક ગ્રાહકે જણાવ્યું કે તેમાં ન્યૂનતમ ઓર્ડરની કોઈ શરત નથી. તેને આ ઈનવિટેશનની સાથે 90 સેકેન્ડનું ટ્યુટોરિયલ અને કેટેલોગ મળ્યું છે.
શું શું મળશે
આ લિંક દ્વારા ગ્રાહકો ફળ, શાકભાજી, અનાજ, તૂથપેસ્ટ, કુકિંગનો સામાન વગેરે ઓર્ડર કરી શકે છે. ગ્રાહકો માટે જીયોમાર્ટથી ઓનલાઈન અથવા ઓર્ડર મળવા પર કેશની ચુકવણી કરવાની રહેશે.
મહત્વનું છે કે મેટા પ્લેટફોર્મ્સ ઈંકે રિલાયન્સના જીયો પ્લેટફોર્મ્સ યુનિટમાં લગભગ 6 અરબ ડોલરનું રોકાણ કર્યું હતું. તેના 19 મહિના બાદ આ પગલું ભરવામાં આવ્યું છે. આ ભાગીદારીથી જીયોને સૌથી વધારે ફાયદો થવાનો છે કારણ કે આમ કરવાથી જીયોમાર્ટના સેલમાં વધી શકે છે. WhatsAppના દેશમાં લગભગ 53 કરોડ યુઝર્સ છે અને Jioના 42.5 કરોડથી વધુ ગ્રાહક છે.