વિરોધ / આક્રોશ અંબાણી સુધી, વિફરેલા ખેડૂતોએ હવે Jioના ટાવર સાથે જુઓ શું કર્યુ

• 29 દિવસથી ખેડૂતો કરી રહ્યા છે સતત વિરોધ 
• પંજાબ હરિયાણામાં જીયોના ટાવર કનેક્શન કર્યા કટ
• પહેલા પણ જીયો સિમનો કરી ચૂક્યા છે બહિષ્કાર 

પંજાબ અને હરિયાણાના અલગ-અલગ જિલ્લામાં રિલાયન્સ જિયોના ટાવરના વીજળી કનેક્શન કાપી નાખવામાં આવ્યા હતા. હરિયાણાના સિરસા સહિત અન્ય જિલ્લામાં ગ્રામીણ જીયો ટાવરના વીજળી કનેક્શન કાપીને વિરોધ વ્યક્ત કર્યો હતો. જો કે, આ મામલે રિલાયન્સ જીયો દ્વારા સત્તાવાર રીતે કોઇ જ ટિપ્પણી કરવામાં આવી નથી. આપને જણાવી જઇએ કે, ખેડૂત આંદોલનને કારણે જીયો સામે પડકાર વધ્યો છે. 

છેલ્લા 29 દિવસથી દિલ્હીમાં ખેડૂતો કરી રહ્યા છે વિરોધ 

કૃષિ કાયદાના વિરોધમાં દિલ્હીની સીમા પર 29 દિવસથી ચાલી રહેલા આંદોલનમાં વધુ તાકાત ઉમેરાઇ રહી છે શનિવારે ખનૌરી બોર્ડરથી 15 હજાર ખેડૂતો દિલ્હી માટે કૂચ કરવાના છે. રવિવારે ડબવાલી બોર્ડરથી 15 હજાર ખેડૂતો દિલ્હી જવાનો દાવો કરી રહ્યા છે.  

જીયોએ લગાવ્યો આક્ષેપ 

ઉલ્લેખનીય છે કે, જીયોએ પોતાની હરીફ કંપની એરટેલ, વોડાફોન અને આઇડિયા પર ખેડૂતોને ભડકાવી રહી હોય તેવો આરોપ લગાવ્યો હતો. આરોપ પ્રમાણે એરટેલ અને વીઆઇએલ એવો દાવો કરી રહી છે કે, જીયોના મોબાઇલ નંબર તેમના નેટવર્ક પર પોર્ટ કરવો એ ખેડૂત આંદોલનને સમર્થન છે. 

નવા મોબાઇલ ગ્રાહકો જોડવા મુદ્દે એકવાર ફરીથી રિલાયન્સ જીયોએ સુનિલ મીત્તલની એરટેલને પાછળ છોડી છે. આ ઘટના સતત બીજા મહિને બની છેય આ પહેલા સપ્ટેમ્બરમાં પણ એરટેલને પછાડીને જીયો આગળ નીકળ્યું હતું.