નવી મુંબઈ પોલીસે જે શખ્સની ધરપકડ કરી છે તે ગુજરાતનો રહેનાર છે. સાથે જ તે એક ગુજરાતી ટેક્સી ડ્રાઈવર છે.
એન્ટીલિયાનું સરનામું પુછનાર વ્યક્તિની ધરપકડ
વ્યક્તિએ કર્યો ચોંકાવનારો ખુલાસો
પોલીસ કરી રહી છે તપાસ
દેશના સૌથી અમીર ઉદ્યોગપતિ મુકેશ અંબાણી (Mukesh Ambani)ના ઘર એન્ટીલિયા (Antilia)નું એડ્રેસ પુછનાર બે શંકાસ્પદ વ્યક્તિઓમાંથી એકની પોલીસે ધરપકડ કરી લીધી છે. પોલીસ આ યુવકની પુછપરછ કરી રહી છે. તેમણે જણાવ્યું કે તે ફક્ત એન્ટીલિયાને જોવા માંગતો હતો.
એન્ટીલિયાનું સરનામું પુછવા પર પોલીસમાં હડકંપ
હકીકતે કાલે સોમવારે મુંબઈમાં એક ટેક્સી ડ્રાઈવરે પોલીસને સુચના આપી હતી કે બે યુવક તેને એન્ટીલિયાનું સરનામું પુછી રહ્યા હતા. તે જોવામાં શંકાસ્પદ દેખાઈ રહ્યા હતા. તેમના હાથમાં કાળી બેગ હતી. જેમાંથી એકની દાઢી હતી. તે ઉર્દૂમાં વાત કરી રહ્યા હતા. જ્યાર બાદ પોલીસ એક્શન મોડમાં આવી ગઈ અને તેમના ઘરની પાસે નાકાબંધી કરીને સુરક્ષા વધારી દીધી હતી. સૂચના આપનાર ડ્રાઈવરને પોલીસે પોલીસે સ્ટેશન બોલાવ્યો હતો અને તેનું નિવેદન નોંધ્યું હતું. ત્યાર બાદ મામલાની તપાસ શરૂ કરી હતી.
ટેક્સી ડ્રાઇવરે કર્યો હતો ફોન
મુંબઈ પોલીસે જણાવ્યું કે એક ટેક્સી ડ્રાઇવરે ફોન કરીને કહ્યું હતું કે બે લોકો એન્ટિલિયાની પૂછપરછ કરી રહ્યા છે અને તેમના બંનેના હાથમાં બેગ છે. બસ આ એક ફોન આવતા જ મુંબઈ પોલીસમાં દોડધામ મચી ગઈ અને તરત જ એક્શન લેવામાં આવ્યા. આખા વિસ્તારમાં તપાસ કરવામાં આવી હતી.
We received a call from a taxi driver that 2 people carrying a bag asked for Mukesh Ambani's residence Antilia; recording his statement. DCP level rank officer monitoring the situation. Security heightened outside Antilia; CCTV footage also being checked: Mumbai Police
અંબાણી પરિવારની સુરક્ષા પર વધી રહ્યો છે ખતરો
એન્ટિલિયા વિશે પૂછપરછ કરી રહેલા સંદિગ્ધ લોકોની જાણકારી મળ્યા બાદ આખા વિસ્તારમાં સુરક્ષા વધારી દેવામાં આવી છે. આસપાસનાં વિસ્તારમાં ચેકપોસ્ટ બનાવીને પૂછપરછ કરવામાં આવી રહી છે અને મુંબઈ પોલીસના મોટા મોટા અધિકારીઓ દોડતા થયા છે. નોંધનીય છે કે થોડા દિવસોથી જ અંબાણી પરિવાર પર સુરક્ષાનો ખતરો હોવાના સતત સમાચાર સામે આવી રહ્યા છે.