ભારતના સૌથી અમીર શખ્સ મુકેશ અંબાણીએ એક વર્ષથી પણ ઓછા સમયમાં બીજી આલિશાન હોટલની ખરીદી કરી છે. રિલાયન્સ ઈન્ડસ્ટ્રીઝ લિમિટેડે ન્યુયોર્કના લક્ઝરી હોટલ મેન્ડારિન ઓરિએન્ટલને 9.81 કરોડ ડૉલરમાં લઇ લીધી છે. ભારતીય રૂપિયા મુજબ તેની કિંમત અંદાજે 728 કરોડ રૂપિયા થાય છે.
મુકેશ અંબાણીએ ન્યુયોર્કમાં એક આલિશાન હોટલ ખરીદી
જેની કિંમત ભારતીય રૂપિયા મુજબ 728 કરોડ રૂપિયા થાય છે
આ હોટલ ન્યુયોર્કમાં 73.37 ટકા ભાગીદારીની પરોક્ષ માલિક
મેન્ડારિન ઓરિએન્ટલ ન્યુયોર્ક શહેરની પ્રતિષ્ઠિત લક્ઝરી હોટલમાંથી એક
વર્ષ 2003માં તૈયાર થયેલી મેન્ડારિન ઓરિએન્ટલ ન્યુયોર્કના 80 કોલંબસ સર્કલ સ્થિત એક લકઝરી હોટલ છે, જે સેન્ટ્રલ પાર્ક અને કોલંબસ સર્કલની બાજુમાં છે. કંપનીએ સ્ટોક એક્સચેન્જ ફાઈલિંગમાં કહ્યું છે, રિલાયન્સ ઈન્ડસ્ટ્રીઝ લિમિટેડની માલિકીની સહાયક કંપની રિલાયન્સ ઈન્ડસ્ટ્રીયલ ઈન્વેસ્ટમેન્ટ્સ એન્ડ હોલ્ડિંગ્સ લિમિટેડે લગભગ 9.81 કરોડ ડૉલરના ઈક્વિટી પ્રતિફળ પર કોલંબસ સેન્ટર કોર્પોરેશનની સંપૂર્ણ જારી શેર મૂડીનું અધિગ્રહણ કરવા માટે એક કરાર કર્યો. જે Cayman આઈલેન્ડ્સમાં સામેલ એક કંપની છે અને મેન્ડારિન ઓરિએન્ટલ ન્યુયોર્કમાં 73.37 ટકા ભાગીદારીની પરોક્ષ માલિક છે. મેન્ડારિન ઓરિએન્ટલ ન્યુયોર્ક શહેરની પ્રતિષ્ઠિત લક્ઝરી હોટલમાંથી એક છે.
આની પહેલા આ અઠવાડિયે રિલાયન્સ ઈન્ડસ્ટ્રીઝ લિમિટેડની છૂટક એકમ રિલાયન્સ રિટેલે કરિયાણાના સામાનના ઓનલાઈન ડિલીવરી વેપારમાં પોતાની હાજરીને મજબૂત કરવા માટે આ ક્ષેત્રની કંપની ડન્જોમાં 25.8 ટકાની ભાગીદારી લગભગ 1488 કરોડ રૂપિયામાં ખરીદી. બંને કંપનીઓએ એક નિવેદનમાં કહ્યું કે ડન્જોએ હાલમાં ભંડોળ એકત્રીકરણ કરવાના કાર્યક્રમ હેઠળ રિલાયન્સ રિટેલ વેન્ચર્સ લિમિટેડની આગેવાનીમાં 24 કરોડ ડૉલર એકત્રિત કર્યા હતા.
ભારત વિશ્વની મહત્વની ત્રણ અર્થવ્યવસ્થાઓમાંથી એક બની જશે
રિલાયન્સ ઈન્ડસ્ટ્રીઝ લિમિટેડના અધ્યક્ષ મુકેશ અંબાણીએ હાલમાં ભવિષ્યવાણી કરી હતી કે ભારત વિશ્વની મહત્વની ત્રણ અર્થવ્યવસ્થાઓમાંથી એક બની જશે અને રિલાયન્સ વિશ્વની સૌથી મજબૂત અને સૌથી પ્રતિષ્ઠિત ભારતીય બહુરાષ્ટ્રીય કંપનીઓમાંથી એક બની જશે. અંબાણીએ રિલાયન્સ ફેમિલી ડે ઈવેન્ટમાં ફરજીયાત અથવા જરૂરી કામોની વાત શેર કરી હતી. જેણે રિલાયન્સમાં બધાએ અપનાવવુ જોઈએ અને જીવનની એક પદ્ધતિ બનાવવી જોઈએ.