સિદ્ધિ / Jioના પ્રતાપે મુકેશ અંબાણીએ નેટવર્થમાં વૉરેન બફેટને પણ પાછળ છોડ્યાં, 2 અબજ ડોલર સંપત્તિ વધી

• મુકેશ અંબાણીની સંપત્તિ 2 અબજ ડૉલરનો વધારો 
• વૉરેન બફેટને પાછળ છોડ્યા

રિલાયન્સ ઇન્ડસ્ટ્રીઝ (RIL) ના ચૅરમેન અને મેનેજિંગ ડિરેક્ટર મુકેશ અંબાણીએ (Mukesh Ambani) નેટવર્થ મામલે દિગ્ગજ રોકાણકાર વોરેન બફેટને પાછળ છોડી દીધાં છે. આ માહિતી ફોર્બ્સ મેગેઝિનના રીઅલ ટાઇમ બિલિયોનેર ઇન્ડેક્સમાંથી મળી રહી છે. આ ઈન્ડેક્સમાં જોવા મળે છે કે મુકેશ અંબાણીની કુલ સંપત્તિમાં આજે 2 અબજ ડોલરનો વધારો થયો છે.

વૉરેન બફેટની કુલ સંપત્તિ કેટલી?

ઈન્ડેક્સના આંકડા મુજબ, મુકેશ અંબાણીની કુલ સંપત્તિ 2 અબજ ડ ડૉલર વધીને 70.10 અબજ ડૉલર થઈ છે. જ્યારે, વૉરેન બફેટ નેટવર્થની કુલ સંપત્તિ 68.2 અબજ ડૉલર છે. તાજેતરમાં જ મુકેશ અંબાણીને વિશ્વના 10 ધનિક વ્યક્તિની યાદીમાં સામેલ કરવામાં આવ્યા છે.

મુકેશ અંબાણીની સંપત્તિ કેવી રીતે વધી?

રિલાયન્સ ઇન્ડસ્ટ્રીઝના અધ્યક્ષની સંપત્તિમાં વધારો થવાનું કારણ રિલાયન્સ ઇન્ડસ્ટ્રીઝ (RIL Share Price) ના શેરમાં સતત વધારો છે. માર્ચથી RILના શેર બમણાx થયા છે. હકીકતમાં, તાજેતરમાં રિલાયન્સના ટેકનોલોજીનું એકમ Jio પ્લેટફોર્મ્સે ફેસબુક સહિત અનેક વૈશ્વિક કંપનીઓ સાથેના ડીલની ઘોષણા કરી છે. ત્યારબાદથી RILના શેરમાં તેજી જોવા મળી રહી છે.

લાંબા સમયથી વિશ્વની બીજા સૌથી મોટી અબજોપતિ રહી ચૂકેલા વૉરેન બફેટે હાલના સમયમાં વધારે કમાણી કરી નથી. તેમની કંપની બર્કશાયર હેથવે ઘણા વર્ષોથી અંડરપર્ફોર્મિંગ ઈન્ડેક્સમાં શામેલ છે.

ફોર્બ્સનું રીઅલ-ટાઇમ અબજોપતિ ઇન્ડેક્સ દર 5 મિનિટમાં અપડેટ થાય છે

ફોર્બ્સની રીઅલ-ટાઇમ અબજોપતિ રેન્કિંગથી રોજ પબ્લિક હોલ્ડિંગ્સમાં થનારા ઉતાર-ચઢાવ વિશે જાણકારી મળે છે. વિશ્વના જુદા જુદા ભાગોમાં શેર બજાર ખુલ્યા પછી દર 5 મિનિટમાં આ ઈન્ડેક્સ અપડેટ કરવામાં આવે છે. જે વ્યક્તિઓની સંપત્તિ કોઈ પ્રાઈવેટ કંપની સાથે સંબંધિત છે તેમની નેટવર્થ દિવસમાં એક વખત અપડેટ થતી હોય છે.

જેફ બેઝોસ 188.2 અબજ ડોલરના માલિક

વિશ્વની સૌથી ધનિક વ્યક્તિ હાલમાં ઈ-કોમર્સ કંપની એમેઝોનના સ્થાપક જેફ બેઝોસ છે. બેઝોસની કુલ સંપત્તિ 188.2 અબજ ડૉલર છે. આ સિવાય બીલ ગેટ્સ 110.70 અબજ ડૉલર સાથે બીજા ક્રમે છે. 108.80 અબજ ડોલર સાથે બર્નાર્ડ ર્નાલ્ટ ફેમિલી, 90 અબજ ડોલર સાથે માર્ક ઝુકરબર્ગ, 74.5 અબજ ડૉલર સાથે સ્ટીવ બાલ્મર અને. 73.4 અબજ સાથે લેરી એલિસન પણ ટૉપ ટેનની યાદીમાં સામેલ છે.