નુકસાન / એશિયાના સૌથી મોટા ધનકુબેરનું ટાઇટલ ગુમાવ્યા બાદ મુકેશ અંબાણીને લાગી શકે છે વધુ મોટો ઝટકો 

• મુકેશ અંબાણીને પડ્યો મોટો ફટકો 
• એશિયાના સૌથી મોટા અમીરનું ટાઇટલ ગુમાવી ચૂક્યા છે 
• હવે રિલાયન્સનું મોખરાનું સ્થાન પણ જોખમમાં 

દેશની સૌથી મોટી આઇટી કંપની ટાટા કન્સલ્ટન્સી સર્વિસીસ TCS ના માર્કેટ કેપિટલાઈઝેશનમાં ઝડપથી વિકાસ થયો છે જ્યારે કે તેની સામે રિલાયન્સના માર્કેટ કેપમાં તીવ્ર ઘટાડો નોંધાયો છે. જે રીતે TCS ના શેરની કિંમત વેગ પકડી રહ્યા છે, બની શકે છે કે થોડા દિવસોમાં રિલાયન્સને પાછળ પાડીને TCS થોડા દિવસોમાં મોખરાનું સ્થાન છીનવી લે. 

TCS હવે રિલાયન્સનું સ્થાન ખૂંચવી શકે છે

હાલમાં રિલાયન્સની માર્કેટ કેપ 1245869.56 કરોડ રૂપિયા છે જ્યારે TCS ની માર્કેટ કેપ 1170875.36 કરોડ રૂપિયા છે. એટલે કે, TCS ની માર્કેટ કેપ રિલાયન્સ કરતા લગભગ 75 હજાર કરોડ જેટલી ઓછી છે. એક સમયે રિલાયન્સની માર્કેટ કેપ રૂ. 16 લાખ કરોડને પાર કરી ગઈ હતી, પરંતુ ત્યારબાદ તેમાં સતત ઘટાડો થયો છે. બીજી બાજુ, TCS ના શેરો તાજેતરમાં ખૂબ જ વધ્યા છે અને તેમની સર્વાધિક ઉચ્ચતમ સપાટીએ પહોંચી ગયા હતા. 

28 ડિસેમ્બરે, TCS ની માર્કેટ કેપ પ્રથમ વખત 11 લાખ કરોડને પાર કરી ગઈ હતી. 11 લાખ માર્કેટ કેપ ક્લબમાં જોડાનાર TCS હવે બીજી કંપની બની ગઈ છે. આ પહેલા રિલાયન્સ ઇન્ડસ્ટ્રીઝે આ માર્ક વટાવ્યું હતું, આ પહેલા, TCS 5 ઓક્ટોબર 2020 માં જ 10 લાખ કરોડની માર્કેટ કેપ ક્લબમાં જોડાણી હતી. તે દરમિયાન, શેરમાં 6 ટકાનો વધારો થયો હતો અને 2679 રૂપિયા પર પહોંચી ગયો હતો.

ચીની ઉદ્યોગપતિએ કબજાવ્યું મુકેશ અંબાણીનું સ્થાન 

બ્લૂમબર્ગ બિલિયોનેર ઈન્ડેક્સ અનુસાર, મુકેશ અંબાણીની સંપત્તિ ગયા વર્ષે ૯૦ અબજ ડોલર એટલે કે ૬.૬૨ લાખ કરોડ રૂપિયા જેટલી વધી ગઈ હતી, જે સમયે તે વિશ્વના ચોથા સૌથી ધનવાન વ્યક્તિ બની ગયા હતા, જો કે ત્યાર બાદ તેમની નેટવર્થમાં સતત ઘટાડો નોંધાઈ રહ્યો છે, અને હવે તેઓ દુનિયાના સૌથી અમીરોની યાદીના ટોપટેનમાળથી પણ બહાર થઈ ગયા છે અને ૧૩ માંઅ સ્થાને પહોંચી ગયા છે. તે જ સમયે એશિયામાં પણ સૌથી ધનવાનનું તેમનું સ્થાન તેમણે ગુમાવી દીધું છે. 

ચીનના વોટરકિંગ તરીકે જાણીતા ઝૉન્ગ શાન નોંગફુ અને વેન્ટાઈ જેવી કંપનીઓની માલિકી ધરાવે છે, જેમનો મુખ્ય વ્યવસાય પાણી અને રસી બનાવવાનો છે, આ વ્યક્તિ ચીનમાં લોન વુલ્ફ તરીકે જાણીતા છે અને એશિયાના સૌથી ધનવાન અને દુનિયામાં 6 ક્રમાંકના અમીર છે.