શોખ બડી ચીજ હૈ! / કઇ ગાયનું દૂધ મંગાવે છે અંબાણી પરિવાર? પ્રતિ લિટરની કિંમત સાંભળશો તો આંચકો લાગશે

રિલાયન્સ ઈન્ડસ્ટ્રીઝના ચેરમેન મુકેશ અંબાણી માત્ર દેશના જ નહીં પણ એશિયાના સૌથી અમીર વ્યક્તિ છે અને તેની સંપત્તિમાં સતત વધારો થઈ રહ્યો છે. આ કારણે તેઓ હંમેશા ચર્ચામાં રહે છે, આ સાથે જ અંબાણી પરિવાર એમની લાઇફસ્ટાઇલને કારણે પણ લોકો વચ્ચે ચર્ચાનો વિષય બની રહે છે.

અંબાણી પરિવાર એમની મોંઘી કાર, ગેજેટ્સ અને કપડાને કારણે અવારનવાર સમાચારમાં રહે છે. ઘણા લોકોને તેની જીવનશૈલી અને આહાર વિશે જાણવામાં ખૂબ જ રસ હોય છે. જો એમના ડાયટની વાત કરીએ તો અંબાણી પરિવાર પ્યોર વેજ અને હેલ્ધી ડાયટમાં માને છે, પરંતુ શું તમે જાણો છો કે અંબાણી પરિવાર કઈ ગાયનું દૂધ પીવે છે.

અંબાણી પરિવાર ચોક્કસ જાતિની ગાયોનું ઉચ્ચ ગુણવત્તા વાળું દૂધ પીવે છે. આ પરિવાર હોલ્સ્ટીન-ફ્રીઝિયન ગાયનું દૂધ પીવે છે. રિપોર્ટ અનુસાર આ દૂધ પુણેથી આવે છે અને એવું કહેવાય છે કે લગભગ 35 એકરમાં ફેલાયેલી અને 3000 થી વધુ ગાયો ધરાવતા પૂણેની હાઇટેક ભાગ્યલક્ષ્મી ડેરી દ્વારા આ જાતિની ગાયો ઉછેરવામાં આવે છે.

આ દૂધની પ્રતિ લિટર કિંમત 152 રૂપિયાની આસપાસ છે. સૌથી રસપ્રદ વાત એ છે કે આ ઉચ્ચ ઉપજ આપતી ગાયની જાતિ માટે કેરળમાંથી ખાસ રબર કોટેડ ગાદલું મંગાવવામાં આવે છે અને આ ગાયોને પીવા માટે આરઓ પાણી આપવામાં આવે છે. આ ગાય વિદેશોમાં ઘણી લોકપ્રિય છે.

વધુ વાંચો: મહારાષ્ટ્રમાં ચૂંટણી જંગ જામ્યો! શિંદે જૂથે 20 ઉમેદવારોનું લિસ્ટ કર્યું જાહેર, આદિત્ય ઠાકરે સામે આ નેતા લડશે

આ ગાયો ઘોડા જેટલી ઊંચી હોય છે. તેમનું દૂધ વિશ્વના સૌથી પૌષ્ટિક દૂધમાંનું એક માનવામાં આવે છે, તેમાં વિટામિન અને પ્રોટીન ભરપૂર માત્રામાં હોય છે. અંબાણી પરિવાર સહિત અભિનેતા અભિતાભ બચ્ચન અને સચિન તેંડુલકરનો પરિવાર પણ તેનું દૂધ પીવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ