રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ વધુ એક સિદ્ધિ હાંસલ કરી છે.
મુકેશ અંબાણીએ વધુ એક સિદ્ધી મેળવી
દુનિયાના ટોપ-10 અબજોપતિમાં મળ્યું 9મું સ્થાન
દુનિયાના ટોપ-10માં સ્થાન મેળવનાર એકમાત્ર ભારતીય
205 અબજ ડોલરની સંપત્તિ સાથે ટેસ્લાના એલન મસ્ક પહેલા નંબરે
હુરુન ગ્લોબલ રિચ લિસ્ટ 2022એ વિશ્વના ટોચના 10 અબજોપતિની યાદી જાહેર કરી છે. મુકેશ અંબાણી દુનિયાના ટોપ-10 અરબપતિઓની યાદીમાં સામેલ થયા છે. આ યાદીમાં સ્થાન મેળવનાર તેઓ એકમાત્ર ભારતીય અબજોપતિ છે.
ટોપ-10 અબજોપતિઓની યાદીમાં મુકેશ અંબાણી 9માં ક્રમે
હુરુન ગ્લોબલ રિચ લિસ્ટ 2022 અનુસાર, મુકેશ અંબાણી વિશ્વના ટોપ-10 અબજોપતિઓની યાદીમાં 9માં ક્રમે છે. તેમની કુલ સંપત્તિ 103 અબજ ડોલર છે. તેમણે માત્ર સૌથી ધનિક ભારતીય હોવાનો ખિતાબ જ નથી જીત્યો, પરંતુ એશિયામાં તેમની સંપત્તિમાં પણ 24 ટકાનો વધારો થયો છે.
મુકેશ અંબાણીની કુલ સંપત્તિ 103 અબજ ડોલર
હુરુન ગ્લોબલ રિચ લિસ્ટ -2022 માં કહેવામાં આવ્યું છે કે મુકેશ અંબાણીએ તેમના વારસાને ખૂબ સારી રીતે સંભાળ્યો અને વધાર્યો. તેના આધારે તેઓએ 20 વર્ષમાં પોતાની સંપત્તિમાં 10 ગણો વધારો કર્યો છે. તેમની કુલ સંપત્તિ હવે 103 અબજ ડોલર છે, જે 2002માં 10 અબજ ડોલર હતી.
ટેસ્લાના એલન મસ્ક દુનિયાના પહેલા નંબરના ધનકૂબેર
205 અબજ ડોલરની સંપત્તિ સાથે ટેસ્લાના સીઈઓ એલન મસ્ક દુનિયાના પહેલા નંબરના અમીર બન્યા છે. તેમની કુલ સંપત્તિ 205 અબજ ડોલર થવા જાય છે અને હુરુનની યાદીમાં તેમણે પહેલા નંબરનું સ્થાન મેળવ્યું છે.