ગંભીર મામલો / એન્ટિલિયા અને અંબાણી પરિવારને ઉડાવી મૂકવાની આજે બે વાર ધમકી મળતા ખળભળાટ, કોલરે આવું કહ્યું

• ઉદ્યોગપતિ મુકેશ અંબાણીના પરિવારને જાનનું જોખમ
• અજાણ્યા શખ્સે રિલાયન્સને હોસ્પિટલમાં કર્યો ફોન
• હોસ્પિટલને બોંબથી ઉડાવી મૂકવાની આપી ધમકી
• મુકેશ અંબાણી અને નીતા અંબાણીની હત્યાની પણ ધમકી 

ઉદ્યોગપતિ મુકેશ અંબાણી અને તેમના પરિવારને ફરી વાર જાનથી મારી નાખવાની ધમકી છે. મુંબઈમાં રિલાયન્સ ફાઉન્ડેશનની હોસ્પિટલમાં કોઈ અજાણ્યા શખ્સને ફોન કરીને રિલાયન્સની હોસ્પીટલને ઉડાવી મૂકવાની તથા મુકેશ અંબાણી તેમના પત્ની નીતા અંબાણીને જાનથી મારી નાખવાની ધમકી આપી હતી. 

At 12.75pm today & again at 5.04pm a call was received at a call centre of Sir HN Reliance Foundation Hospital threatening to blow up the hospital & threatening to take the lives of Mukesh Ambani, Nita Ambani, Akash Ambani & Anant Ambani: RIL Spokesperson

— ANI (@ANI) October 5, 2022

ફોન કરનાર બે વાર મારી નાખવાની ગંભીર ધમકી આપી 
રિલાયન્સના પ્રવક્તાએ માહિતી આપતા કહ્યું કે ફોન કરનારે મુકેશ અંબાણીના નિવાસસ્થાન એન્ટિલિયા અને અંબાણી પરિવારના સભ્યોને બોંબથી ઉડાવી મૂકવાની ધમકી આપી હતી. અમે આ સંદર્ભમાં પોલીસ ફરિયાદ લખાવી છે અને તપાસમાં પોલીસને તમામ જરુરી વિગતો આપી રહ્યાં છીએ. પ્રવક્તાએ વધુમાં કહ્યું કે પહેલા બપોરે 12.57 વાગ્યે અને ફરી વાર સાંજના 5.04 વાગ્યે મુંબઈની એચએન રિલાયન્સ ફાઉન્ડેશન હોસ્પિટલના કોલ સેન્ટરમાં એક ફોન આવ્યો હતો. ફોન કરનારે હોસ્પિટલ અને મુકેશ અંબાણી, નીતા અંબાણી, આકાશ અંબાણી અને અનંત અંબાણીને જાનથી મારી નાખવાની ધમકી આપી હતી. 

The caller also threatened to blow up Antilia & gave multiple threats to members of the Ambani family. A police complaint has been registered and we are providing all the necessary details to the police in their investigations: RIL Spokesperson

— ANI (@ANI) October 5, 2022

A call was received on the landline number of Sir HN Reliance Foundation Hospital at 12.57pm today from an unknown number in which the caller threatened to blow up the Hospital and issued threats in name of some members of the Ambani family: Mumbai Police pic.twitter.com/6LwL14l27A

— ANI (@ANI) October 5, 2022

હોસ્પિટલના લેન્ડલાઈન પર અજાણ્યા શખ્સે ફોન કરીને ધમકી આપી 
મુંબઈમાં આજે બપોરે 12.57 કલાકે રિલાયન્સ ફાઉન્ડેશનની હોસ્પિટલને ફોન કોલ દ્વારા બોમ્બથી ઉડાવી દેવાની ધમકી આપવામાં આવતા ખળભળાટ મચી ગયો હતો. મુંબઈ પોલીસ તરફથી જાહેર કરવામાં આવેલા નિવેદન અનુસાર આ કેસ સર એચએન ફાઉન્ડેશન હોસ્પિટલ સાથે જોડાયેલો છે. ફોન અચાનક હોસ્પિટલની લેન્ડલાઇન પર વાગ્યો. ફોન કરનારે હોસ્પિટલને ઉડાવી દેવાની ધમકી પણ આપી હતી. પોલીસના જણાવ્યા પ્રમાણે આ ફોન કોઈ અજાણ્યા નંબર પરથી આવ્યો હતો. ફોન કરનારે અંબાણી પરિવારના કેટલાક સભ્યોના નામ લઈને આ ધમકી આપી હતી. સૂત્રોએ જણાવ્યું હતું કે ફોન કરનારે મુકેશ અંબાણી અને નીતા અંબાણીને જાનથી મારી નાખવાની ધમકી પણ આપી હતી. પોલીસે જણાવ્યું હતું કે, ડીબી માર્ગ પોલીસ સ્ટેશનમાં કેસ નોંધવામાં આવ્યો છે. 

સરકારે મુકેશ અંબાણીની સુરક્ષા વધીને ઝેડ પ્લસ કરી 
ઉલ્લેખનીય છે કે તાજેતરમાં સરકારે મુકેશ અંબાણીની સિક્યુરીટી વધારીને ઝેડ પ્લસ કરી નાખી છે. મુકેશ અંબાણીને અગાઉ પણ જાનથી મારી નાખવાની ધમકીઓ મળી હતી જેને પગલે સરકારે તેમની સિક્યુરીટી વધારી દીધી હતી.