હાલ લગ્નની સિઝન ચાલી રહી છે. રણવીર દીપિકા પ્રિયંકા નિક બાદ હવે દેશના સૌથી અમીર બિઝનેસમેન મુકેશ અંબાણીની પુત્રી ઇશા અંબાણીના લગ્ન થવાના છે. ઇશા અંબાણી 12 ડિસેમ્બરે આનંદ પીરામલ સાથે સાત ફેરા લેવા જઇ રહી છે.
ઇશાના લગ્નની પ્રી વેડિંગ રસ્મો શરૂ થઇ ગઇ છે. લગ્ન પહેલા ઘરમાં ગૃહ શાંતિ પૂજા રાખવામાં આવી છે. આ પૂજામાં ઇશા અંબાણીએ સબ્યસાંચી મુખર્જીની ડિઝાઇન કરેલો સુંદર લેંધો કેરી કર્યો છે. લેંઘામાં ઇશા કોઇ રોયલ પ્રિન્સેસ હોય એવી લાગી રહી છે.
ઇશા અંબાણીના ગૃહ શાંતિના ફોટો સોશિયલ મીડિયા પર ખૂબ જ વાયરલ થઇ રહ્યા છે. ખુદ ડિઝાઇનરે ઇન્સ્ટાગ્રામ પર ઇશાના ફોટો શેર કરીને જણાવ્યું કે ઇશાનો આ ફોટો પૂજાનો છે.
આ વચ્ચે ઇશા અંબાણી પોતાના બંગ્લાને લઇને ખૂબ ચર્ચામાં પણ છે. મળતા માહિતી અનુસાર અંબાણી લગ્ન બાદ 452 કરોડના શાનદાર બંગ્લામાં રહેશે જે મુંબઇના વર્લી વિસ્તારમાં છે. ખાસ વાત એ છે કે આ બંગ્લો ઇશાને સાસુ સસરા તકફથી લગ્નની ભેટ તરીકે આપવામાં આવશે.
ઉલ્લેખનીય છે કે ઇશા અંબાણીની સગાઇ પાર્ટી ઇટલીના લેક કોમામાં થઇ હતી. સગાઇમાં બંને પરિવારોના નજીકના સંબંધીઓની સાથે સાથે બોલીવુડ હસ્તીઓએ પણ હાજરી આપી હતી.