દેશમાં જ નહીં એશિયાના સૌથી ધનિક વ્યક્તિ મુકેશ અંબાણીએ એક વાર ફરી ઈતિહાસ રચ્યો છે. ત્યારે એલન મસ્ક અને જેફ બેજોસની સાથે દુનિયાના 100 બિલિયન ડોલરની સંપત્તિ વાળા અરબપતિઓની યાદીમાં સામેલ થઈ ગયા છે. બ્લૂમબર્ગ બિલેનિયર્સ ઈન્ડેક્સ અનુસાર મુકેશ અંબાણીની સંપત્તિમાં આ વર્ષે 23.8 બિલિયન ડોલરની વૃદ્ધ થઈ છે. તાજા આંકડા અનુસાર નેટવર્થ વધીને 100.1 બિલિયન ડોલર થઈ ગઈ છે.
100 બિલિયન ડોલર ક્લબમાં કોણ કોણ
મુકેશ અંબાણી 100 બિલિયન ડોલરની યાદીમાં 11માં નંબર પર છે. આ લિસ્ટમાં સૌથી ઉપર ટેસ્લાના માલિક એલન મસ્ક તેમના બાદ એમેઝોનના પૂર્વ સીઈઓ જેફ બેઝોસ છે. આ બાદ બર્નાડ અનોલ્ટ, બિલ ગેટ્સ, લેરી પેજ, માર્ક ઝુકરબર્ગનો નંબર આવે છે.
64 વર્ષીય મુકેશ અંબાણીએ જ્યારથી રિલાયન્સ ઈન્ડસ્ટ્રીઝની કમાન સંભાળી તે બાદથી ક્યારેય પાછળ વળીને નથી જોયું. તેમની આગેવાનીમાં એનર્જી સેક્ટરની સાથે સાથે રિટેલ, ઈ- કોમર્સ સેક્ટર પણ બહું મજબૂતી સાથે આગળ વધ્યા છે. 2016માં તે ટેલીકોમ સેક્ટરમાં પણ ઉતર્યા અને આજે ભારતના બજારોમાં જિયોનું પ્રભૂત્વ છે. જ્યારે તેમની નજર ગ્રીન એનર્જી પર અટકેલી છે. આ વર્ષે જૂનમાં તેમણે એલાન કર્યુ હતુ કે આવનારા 3 દિવસમાં તે આ સેક્ટરમાં 10 બિલિયન ડોલર રોકાણ કરશે.