ભારતના સૌથી અમીર શખ્સ મુકેશ અંબાણીએ એક વર્ષથી પણ ઓછા સમયમાં બીજી આલિશાન હોટલની ખરીદી કરી છે. રિલાયન્સ ઈન્ડસ્ટ્રીઝ લિમિટેડે ન્યુયોર્કના લક્ઝરી હોટલ મેન્ડારિન ઓરિએન્ટલને 9.815 કરોડ ડૉલરમાં ખરીદવા માટે એક કરાર કર્યો છે.
હવે મુકેશ અંબાણી હોટલ વેપારમાં અજમાવશે નસીબ
મેન્ડારિન ઓરિએન્ટલ હોટલમાં તમામ લક્ઝુરિયસ સુખ-સુવિધાઓ
આ હોટલમાં એક રાત્રિ રોકાવાનુ ભાડું છે 10 લાખ રૂપિયાથી વધુ
મુકેશ અંબાણી હોટલ વેપારમાં સિક્કો જમાવશે
ઉદ્યોગપતિ મુકેશ અંબાણી હવે ધીરે-ધીરે હોટલ વેપારમાં પોતાનો સિક્કો જમાવી રહ્યાં છે. આ જ ક્રમમાં તેમની કંપની રિલાયન્સ ઈન્ડસ્ટ્રીઝ હવે ન્યુયોર્કમાં પ્રીમિયમ લક્ઝરી હોટલ મેન્ડારિન ઓરિએન્ટલનું સંપાદન કરવા જઇ રહી છે. આ હોટલમાં તમામ લક્ઝુરિયસ સુખ-સુવિધાઓ છે. આ કરાર લગભગ 9.81 કરોડ ડૉલર (લગભગ 728 કરોડ રૂપિયા)માં થશે. મેન્ડારિન ઓરિએન્ટલ પોતાના બોલરૂમ, ફાઈવ સ્ટાર સ્પા અને ખાવા-પીવાના સ્થાનો માટે ઓળખાય છે. આયરલેન્ડના અભિનેતા લિયામ નીસન અને અમેરિકન અભિનેત્રી લૂસી લિયૂ નિયમિત આવનારા મહેમાનોમાં સામેલ છે.
હોટલમાં 248 રૂમ
મેન્ડારિન ઓરિએન્ટલ હોટલ 2003માં બની હતી. આ 80 કોલંબસ સર્કલમાં છે અને તેની ઓળખ પ્રતિષ્ઠિત લક્ઝરી હોટલમાં છે. આ પ્રિસ્ટીન સેન્ટ્રલ પાર્ક અને કોલંબસ સર્કલની પાસે છે. આ હોટલમાં 248 રૂમ અને સૂઇટ છે. મેન્ડારિન ઓરિએન્ટલ ન્યુયોર્ક 35 થી 54 માળ પર છે.
હોટલમાં રહેવાનું મોંઘુ પડશે
આ હોટલ એટલી મોંઘી છે કે તેના ORIENTAL SUITE રૂમમાં એક રાત્રિ રહેવાનુ ભાડુ (14000 USD) એટલેકે 10 લાખ રૂપિયાથી વધુ છે. આ 52મા ફ્લોર પર છે. જ્યારે સૌથી સસ્તી 745 ડૉલર એટલેકે લગભગ 55 હજાર રૂપિયાનો રૂમ છે. ઉલ્લેખનીય છે કે, રિલાયન્સ ઈન્ડસ્ટ્રીઝે શનિવારે શેર માર્કેટને માહિતી આપી છે કે રિલાયન્સની માલિકીની પેટાકંપની રિલાયન્સ ઈન્ડસ્ટ્રિયલ ઈન્વેસ્ટમેન્ટ્સ એન્ડ હોલ્ડિંગ્સ લિમિટેડે કોલંબસ સેન્ટર કોર્પોરેશનની સંપૂર્ણ જાહેર કરાયેલ શેરમૂડી માટે કરાર કર્યો છે.