અધિગ્રહણ / 592 કરોડ રૂપિયામાં મુકેશ અંબાણીએ બ્રિટનમાં સૌથી મોંઘી ખરીદી કરી, જુઓ શું ખરીદ્યુ

• રિલાયન્સે બ્રિટનની પ્રતિષ્ઠિત કન્ટ્રી ક્લબની ખરીદી કરી
• લક્ઝરી ગોલ્ફ રિસોર્ટ સ્ટોક પાર્કની માલિકી પણ હવે અંબાણીની 
• રુ. 592 કરોડમાં સોદો પાર પડ્યો 

રિલાયન્સની આ ખરીદી તાજેતરમાં ઓબેરોય હોટલ અને મુંબઈમાં હોટલ અને આવાસીય સુવિધાઓમાં કરાયેલા અધિગ્રહણની સાથે થઈ રહી છે. 

રિલાયન્સે 3.3 અબજ ડોલરના અધિગ્રહણની જાહેરાત કરી
રિલાયન્સ ઈન્ડસ્ટ્રીઝે છેલ્લા ચાર વર્ષમાં 3.3 અબજ ડોલરના અધિગ્રહણની જાહેરાત કરી છે તેમાંથી 14 ટકા રિટેલ સેક્ટરમાં કરાયું છે, 80 ટકા ટેકનોલોજી, મીડિયા અને દૂરસંચાર ક્ષેત્રમાં તથા બાકીના 6 ટકાનુ રોકાણ એનર્જી સેક્ટરમાં કરાયું છે. રિલાયન્સે સેબીને આપેલી સૂચનામાં જણાવ્યું કે બ્રિટન સ્થિત સ્ટોક પાર્ક તેના ઉપભોક્તા અને આતિથ્ય સંપત્તિ ક્ષેત્રનો હિસ્સો બનશે. 

રિલાયન્સ હવે બ્રિટનના બકિંઘમશાયરમાં એક હોટલ અને ગોલ્ફ કોર્ષની માલિક

કંપનીએ જણાવ્યું કે રિલાયન્સ હવે બ્રિટનના બકિંઘમશાયરમાં એક હોટલ અને ગોલ્ફ કોર્ષની માલિક છે. નિયામકીય સૂચનામાં કહેવાયું કે રિલાયન્સ ઈન્ડ.લિમિટેડની સંપર્ણ માલિકીની કંપની રિલાયન્સ ઈન્ડસ્ટ્રીયલ ઈન્વેસ્ટમેન્ટ એન્ડ હોલ્ડિંગ્સ લિમિટેડે 22 એપ્રિલ 2021 ના દિવસે બ્રિટનમં સ્થાપિત કંપની સ્ટોક પાર્ક લિમિટેડની બધી જવાબદારીઓનું અધિગ્રહણ કરી લીધું છે. 

દેશના સૌથી અમીર ઉદ્યોગપતિ મુકેશ અંબાણીએ કોરોનાના દર્દીની મદદ માટે એક સારી પહેલ કરી છે. અંબાણીની રિલાયન્સ ઈન્ડસ્ટ્રીઝ લિમિટેડે જામનગરમાં સ્થિત પોતાની 2 તેલ રિફાઈનરીથી મહારાષ્ટ્રના ટ્રકથી 100 ટન ઓક્સીજન પહોંચાડ્યો છે. નામ ન આપવાની શરતે રિલાયન્સના એક અધિકારીએ જણાવ્યું કે રિલાયન્સ ઈન્ડસ્ટ્રીઝની જામનગર ખાતેની રિફાઈનરીમાંથી ઓક્સિજન મુંબઈને પૂરો પાડવામાં આવી રહ્યો છે. મહારાષ્ટ્રના શહેરી વિકાસ મંત્રી એકનાથ શિંદે જણાવ્યું કે રિલાયન્સ તરફથી રાજ્યને 100 ટન ઓક્સિજન મળશે.