મુંબઈ / મોટો ખુલાસોઃ અંબાણીના ઘરનું સરનામું પૂછનાર શંકાસ્પદ વ્યક્તિ નીકળ્યો ગુજરાતી, આ માટે જવું હતું એન્ટીલિયા

• અંબાણીના ઘરનુ સરનામુ પૂછનાર નિકળ્યો પ્રવાસી
• ગુજરાતી હોવાથી અંબાણીનુ ઘર જોવુ હતુ
• સ્થાનિકે શંકાસ્પદ ગણાવી પોલીસને જાણ કરી હતી

મુંબઈ પોલીસે મુકેશ અંબાણીના ઘર એન્ટીલિયાનું સરનામુ પુછનારા વ્યક્તિની ધરપકડ કરી હતી. પુછપરછ કરતા સામે આવ્યું કે એન્ટેલિયાનું સરનામુ પુછનાર વ્યક્તિ ગુજરાતી હતો.

ગુજરાતી વ્યક્તિ મુકેશ અંબાણીનું ઘર જોવા માંગતો હતો

શંકાસ્પદ વ્યક્તિએ જણાવ્યું કે તે ફક્ત એન્ટીલિયાને જોવા માંગતો હતો. આ માટે ગુજરાતી વ્યક્તિએ અંબાણીની ઘરનું સરનામુ પુછ્યું હતું. સ્થાનિક વ્યક્તિએ તેને શંકાસ્પદ વ્યક્તિ ગણી પોલીસને જાણ કરી હતી. પોલીસે ગુજરાતની પુછપરછ કરતા પ્રવાસી તરીકેનો મામલો સામે આવ્યો હતો.

We received a call from a taxi driver that 2 people carrying a bag asked for Mukesh Ambani's residence Antilia; recording his statement. DCP level rank officer monitoring the situation. Security heightened outside Antilia; CCTV footage also being checked: Mumbai Police

— ANI (@ANI) November 8, 2021

ટેક્સી ડ્રાઇવરે કર્યો હતો ફોન 

મુંબઈ પોલીસે જણાવ્યું કે એક ટેક્સી ડ્રાઇવરે ફોન કરીને કહ્યું હતું કે બે લોકો એન્ટિલિયાની પૂછપરછ કરી રહ્યા છે અને તેમના બંનેના હાથમાં બેગ છે. બસ આ એક ફોન આવતા જ મુંબઈ પોલીસમાં દોડધામ મચી ગઈ અને તરત જ એક્શન લેવામાં આવ્યા હતા. આખા વિસ્તારમાં તપાસ કરવામાં આવી હતી.

અંબાણી પરિવારની સુરક્ષા પર વધી રહ્યો છે ખતરો 

એન્ટિલિયા વિશે પૂછપરછ કરી રહેલા સંદિગ્ધ લોકોની જાણકારી મળ્યા બાદ આખા વિસ્તારમાં સુરક્ષા વધારી દેવામાં આવી છે. આસપાસનાં વિસ્તારમાં ચેકપોસ્ટ બનાવીને પૂછપરછ કરવામાં આવી રહી છે અને મુંબઈ પોલીસના મોટા મોટા અધિકારીઓ દોડતા થયા છે. નોંધનીય છે કે થોડા દિવસોથી જ અંબાણી પરિવાર પર સુરક્ષાનો ખતરો હોવાના સતત સમાચાર સામે આવી રહ્યા છે.