કારોબાર / રોકાણકારોની દિવાળી સુધરી, મુહૂર્ત ટ્રેડિંગ પર ઉછળ્યું સ્ટોક માર્કેટ, સેન્સેક્સમાં 700 પોઈન્ટનો વધારો

• મુહૂર્ત ટ્રેડિંગના દિવસે સ્ટોક માર્કેટમાં જોરદાર તેજી
• 700 પોઈન્ટ ઉછળ્યો સેન્સેક્સ
• રોકાણકારોને ફાયદાવાળી દિવાળી 

ગત વર્ષની જેમ આ વખતે પણ દિવાળી પર મુહૂર્ત ટ્રેડિંગના અવસરે શેરબજારમાં ધૂમ જોવા મળી હતી. દિવાળીના પર્વે 
મુહૂર્ત ટ્રેડિંગ સાંજે 6.15 વાગ્યે શરૂ થયું હતું. શરૂઆતી કારોબારમાં સેન્સેક્સ 700 અંકથી વધુ વધીને 60,000ની નજીક પહોંચી ગયો છે. સાથે જ નિફ્ટીમાં જોરદાર ખરીદીનો માહોલ જોવા મળ્યો હતો. નિફ્ટી 1 ટકાથી વધુ વધીને 190 અંકથી વધુ વધ્યો હતો. નિફ્ટી 17,750ની ઉપર પહોંચ્યો હતો. ઉલ્લેખનીય છે કે મુહૂર્ત ટ્રેડિંગ એક કલાક માટે છે. શેર બજાર સાંજે 7.15 વાગ્યે બંધ થશે.

Muhurat trading: Sensex jumps 635.12 points to 59,942.27 in first session of Samvat year 2079; Nifty trades above 17,750

— Press Trust of India (@PTI_News) October 24, 2022

દિવાળીના દિવસે એક કલાક શેરબજાર ખૂલે છે 
એવું માનવામાં આવે છે કે 'મુહૂર્ત' દરમિયાન વ્યવહાર કરવો શુભ છે અને આર્થિક સમૃદ્ધિ લાવે છે. આ જ કારણ છે કે દિવાળીના અવસર પર દર વર્ષે શેર બજાર એક કલાક માટે ખુલે છે. સામાન્ય રીતે આ પ્રસંગે શોપિંગ કરવામાં આવે છે. સાથે જ કેટલાક રોકાણકારો નફો રળે છે.

છેલ્લા 6 ટ્રેડિંગ દિવસથી ભારતીય શેર બજાર ધૂમ મચાવી રહ્યું છે

ઉલ્લેખનીય છે કે છેલ્લા 6 દિવસથી સ્ટોક માર્કેટમાં તેજી ચાલી રહી છે તેથી રોકાણકારોને મોટો ફાયદો મળી રહ્યો છે. શુક્રવારે છેલ્લા ટ્રેડિંગ દિવસે બીએસઈના 30 શેરો વાળા પ્રમુખ ઈન્ડેક્સ સેન્સેક્સ 104.25 અંક એટલે કે 0.18 ટકાના વધારાની સાથે 59307.15 ના સ્તર પર બંધ થયા છે. એ જ રીતે, એનએસઈનો વિસ્તૃત નિફ્ટી 12.35 પોઇન્ટ અથવા 0.07 ટકા વધીને 17,576.30 પર બંધ રહ્યો હતો. સાપ્તાહિક ધોરણે સેન્સેક્સમાં 1,387.18 પોઇન્ટ એટલે કે 2.39 ટકા અને નિફ્ટીમાં 390.60 પોઇન્ટ એટલે કે 2.27 ટકાનો ઉછાળો નોંધાયો હતો. એક્સચેન્જના આંકડા મુજબ છેલ્લા ટ્રેડિંગ દિવસે વિદેશી રોકાણકારોએ 438.89 કરોડ રૂપિયાના શેર ખરીદ્યા હતા.