Mucormycosis નો આતંક દિવસેને દિવસે વધી રહ્યો છે હવે કોરોનાના વૃદ્ધ દર્દીઓ કોરોનાનો શિકાર બની રહ્યા છે. વડોદરામાં Mucormycosis નો કહેર વરસી રહ્યો છે. વધુ એક Mucormycosis નો કેસ સામે આવતા ફફડાટ ફેલાઈ ગયો છે.
વડોદરામાં Mucormycosis નો વધુ એક કેસ સામે આવ્યો છે. વાઘોડિયા રોડની કોરોના સંક્રમિત વૃદ્ધાને Mucormycosis નો ચેપ લાગ્યો હતો. 72 વર્ષીય કોરોના પોઝિટિવ વૃદ્ધાને મ્યૂકરમાઇકોસીસ થતાં તેમની હાલત કફોડી બની હતી. વૃદ્ધાને શ્વાસ લેવામાં તકલીફ,ડાબા ગાલ પર સોજો આવી ગયો હતો. વૃદ્ધાના આંખના હાડકા પણ અસરગ્રસ્ત થયા છે. વૃદ્ધાને સારવાર માટે ગોત્રી હોસ્પિટલ ખસેડાયા. વડોદરામાં Mucormycosis ના કુલ 12 કેસ,1નું મૃત્યુ નોંધાઈ ચુક્યુ છે.
ઉ. ગુજરાતમાં પણ આતંક
પાટણ તાલુકાના કમલીવાડા ગામના અને બાલીસણા પોલીસમાં જી.આર.ડી. તરીકે ફરજ બજાવતાં દિનેશભાઈ ચતુર ભાઈ પટેલ છેલ્લા કેટલાક સમયથી કોરોનાથી પીડીત હતા. તેઓને અગાઉ રીપોર્ટ પોઝીટીવ આવ્યા બાદ રીપોર્ટ નેગેટીવ આવતાં કોરોનાથી મુક્ત થયા હતા. પરંતુ તેમની તબીયત બગડતા ધારપુર સિવિલ ખાતે સારવાર ચાલુ હતી. જ્યાં તબીયત વધુ બગડતા અમદાવાદ ખાતે ખસેડવામાં આવ્યા હતા. અમદાવાદ ખાતે Mucormycosis ના રોગથી તેમનું મોત થતાં ફફડાટ વ્યાપ્યો છે.
કોરોના જેવી જ વધુ એક ગંભીર બીમારીએ એન્ટ્રી કરી છે. રાજ્યમાં મ્યુકર માઈકોસીસના કેસ વધી રહ્યા છે. કોરોનાની રિકવરી બાદ મ્યુકોર માઈકોસીસના લક્ષણો જોવા મળ્યા છે.
અમદાવાદ સિવિલમાં 44 દર્દી નોંધાયા
સિવિલ હોસ્પિટલના ઈએનટી વિભાગના હેડ ડો.ઈલાબહેન ઉપાધ્યાયે કહ્યું કે, બે મહિનામાં 44 દર્દી આવા આવ્યા, જેમાં મોટ ભાગના દર્દી ડાયાબિટીસ વાળા છે, મોટી ઉંમરના છે, નાની વયના એક બે કેસ છે. આ બીમારીમાં એક પ્રકારનું ફંગસ જોવા મળે છે, જે નાકમાં રહેલા હાડકાંને કોતરી ખાય છે. આ બીમારીની અસર આંખ અને મગજ પર પણ થાય છે. અંધાપો આવે છે, આ બીમારી કેન્સર કરતાં પણ ઝડપથી શરીરમાં પ્રસરે છે.
ખાનગીમાં 20 દર્દી નોંધાયા
ખાનગી હોસ્પિટલના ડોક્ટર ડૉ. સપન શાહનું મોટું નિવેદન સામે આવ્યું છે જેમાં તેમણે જણાવ્યુ છે કે, મ્યુકોર માઈકોસીસના દર્દીઓ 15 નવેમ્બરથી વધી રહ્યા છે. આ રોગને કારણે ખાનગી હોસ્પિટલમાં 7 દર્દીઓએ ગુમાવી પોતાની આંખ છે. ખાનગી હોસ્પિટલમાં એક મહિનામાં મ્યુકોર માઈકોસીસના 20 કેસ નોંધાયા છે. ડોક્ટરનું કહેવું છે કે, મ્યુકોર માઈકોસીસ કોરોનાથી ઘાતક બીમારી પણ છે નાક, આંખ, કાનમાં તકલીફ જણાય તો તાત્કાલિક સારવાર લેવી પડી છે.
Mucormycosis એ ફંગલ ઈન્ફેક્શન છે જે મુખ્યત્વે નાકના પોલાણના ઉપરના ભાગમાં થાય છે. તે ધમનીઓ દ્વારા ફેલાતું હોવાથી રક્ત વાહિનીઓને પણ ચેપ લગાડે છે અને ખૂબ જ ઝડપથી ફેલાઈ શકે છે.
Mucormycosisના લક્ષણો
નાકમાંથી ખરાબ/દુર્ગંધની ગંધ, શ્વસન સંબંધી સમસ્યાઓ, વારંવાર શરદી, નાક બંધ થઈ જવું, નાકની આસપાસ અથવા અંદર સોજો, નાકનો ભાગ કાળો પડી જવો. ક્યારેક તાવ અને માથાનો દુખાવો પણ થઈ શકે છે.
Mucormycosis કોને વધુ થવાની શક્યતા
જેમની ઉંમર 40 કરતાં વધુ છે, જેઓ હાલમાં જ કોવિડ-19થી રિકવર થયા છે અથવા જેમને ડાયાબિટિસ અથવા અન્ય કો-મોર્બિડિટી છે તેમને આ ઈન્ફેક્શન થવાનું જોખમ વધારે રહે છે. કોઈ પણ મુખ્ય લક્ષણો દેખાય કે તરત જ ENT સર્જન અથવા નિષ્ણાતનો સંપર્ક કરવો જરૂરી છે.
Mucormycosis ની સારવાર શું
શંકાસ્પદ દર્દીને સીટી સ્કેન અથવા MRI અથવા અન્ય ટેસ્ટ માટે મોકલવામાં આવે છે. જો ફંગલ ઈન્ફેક્શન થયું હોવાની જાણ થાય તો સેમ્પલ લેવામાં આવે છે અને તેને બાયોપ્સી માટે મોકલાઈ છે.
MRI સ્કેનથી નિષ્ણાતો ફંગલ ગ્રોથની હદ ચકાસે છે
નિષ્ણાતો દર્દીઓની સારવાર માટે એમ્ફોટેરિસિન બી ડીઓક્સીકોલેટ ઈન્જેક્શન જેવી સારવારનો ઉપયોગ કરે છે. ઈન્જેક્શનની કિંમત 2500થી 3 હજાર રૂપિયા છે. જેને સતત 15થી 21 દિવસ સુધી દિવસ દરમિયાન છ વખત લેવા પડે છે. અન્ય સારવારને પણ અપનાવવામાં આવે છે.