નિવેદન / 5 કરોડ નોકરીઓની તક ! કેન્દ્ર સરકારના દિગ્ગજ મંત્રીએ કહ્યું આ રીતે મળશે અવસર

• MSMEમાં પાંચ કરોડ રોજગારના અવસરનું સર્જન કરવાનું લક્ષ્ય
• GDPમાં MSMEનું યોગદાન 30 ટકાથી વધારીને 50 ટકા કરવાનું લક્ષ્ય 
• MSME વિકાસનું એન્જીન છે અને તેનાથી ખૂબ આશાઓ : નીતિન ગડકરી 

રોજગાર ઉત્પન્ન કરવા લક્ષ્ય 

બેરોજગારોને દેશના કેન્દ્રીય મંત્રી નીતિન ગડકરીએ મોટું નિવેદન આપ્યું છે. ગડકરીનું કહેવું છે કે સરકાર આગામી પાંચ વર્ષમાં સૂક્ષ્મ, લઘુ અને મધ્યમ કદના ઉદ્યોગોના ક્ષેત્રમાં પાંચ કરોડ રોજગારના અવસરનું સર્જન કરવાનું લક્ષ્ય છે. સડક પરિવહન અને રાજમાર્ગ મંત્રી નીતિન ગડકરીએ કહ્યું કે તેમનો લક્ષ્ય છે કે GDPમાં MSMEનું યોગદાન 30 ટકાથી વધારીને 50 ટકા અને નિકાસમાં 49 ટકાથી વધારીને 60 ટકા સુધી કરી દેવામાં આવે. નોંધનીય છે કે અત્યારે MSME ક્ષેત્ર આશરે 11 કરોડ લોકોને રોજગાર આપે છે. 

નવા સોલ્યુશન શોધવાની પ્રવૃત્તિને પ્રોત્સાહન મળવું જોઈએ

ગડકરીનું કહેવું છે કે Innovation & Entrepreneurમાં મદદના ક્ષેત્રને વિસ્તૃત કરવાની જરૂરી છે જેથી નવ યુવાનોને આગળ વધવાનો અવસર મળી શકે. MSME મંત્રાલય દ્વારા એક જાહેર કરવામાં આવેલ એક નિવેદન અનુસાર, ગડકરીએ કહ્યું કે ઇનોવેશનમાં રિસ્ક લેવા અને નવા સોલ્યુશન શોધવાની પ્રવૃત્તિને પ્રોત્સાહન મળવું જોઈએ. 

તેમણે કહ્યું કે MSME વિકાસનું એન્જીન છે અને તેનાથી ખૂબ આશાઓ છે. મને વિશ્વાસ છે કે આ પહેલથી આ ક્ષેત્રમાં પ્રોત્સાહન મળશે. નીતિન ગડકરીએ બુધવારે એક વર્ચ્યુઅલ મિટિંગને સંબોધિત કરીને નીતિ આયોગની પહેલ આત્મનિર્ભર ભારત અરાઈઝ અટલ ન્યૂ ઇન્ડિયા ચેલેન્જના વખાણ કર્યા. 

તેમણે સરપ્લસ ચોખાનું ઉદાહરણ આપ્યું અને અખ્યું કે તેનો ઉપયોગ ઈથેનોલના ઉત્પાદનમાં કરી શકાય છે. આમ કરવાથી સ્ટોરેજની સમસ્યા ઓછી થશે અને સાથે સાથે દેશનાં ઇંધણનો એક વિકલ્પ ઉભો થઈ શકશે. ગડકરીએ વધુમાં કહ્યું કે દેશના વિકાસને ભવિષ્યમાં હજુ પણ રફતાર મળશે જ્યારે દેશમાં પછાત અને આદિવાસી વિસ્તાર પણ વિકાસમાં સામેલ થાય.