''ધોની 80 વર્ષનો થાય કે પછી વ્હીલચેર પર હોય તે મારી ટીમમાં હંમેશા શામેલ થશે''

એમ.એસ.ધોનીની કોઇ સરખામણી ના થઇ શકે અને ન તો કોઇ તેનો વિકલ્પ છે. સાઉથ આફ્રિકાના પૂર્વ કેપ્ટન એબી ડીવિલિયર્સે એમ.એસ.ધોનીના ટીકાકારોને મજાકિયા કહી દીધા છે. ધોનીના વખાણ કરતા ડીવિલિયર્સને કહ્યુ કે ''ભલે તે વુદ્ઘ થઇ જાય અથવા તો વ્હીલચેર પર કેમ ના બેઠો હોય હંમેશા મારી ટીમનો ભાગ રહેશે દરેક દિવસે અને દર વર્ષે.''

2017માં ચેમ્પિયન ટ્રોફી પછી ધોનીની બેટિંગમાં પહેલા જેવો ચાર્મ રહ્યો નથી અને તેની ટીકા થવાની શરૂ થઇ ગઇ હતી. ઓક્ટોબરમાં ન્યૂઝીલેન્ડ વિરુદ્ઘ સીરિઝ થઇ જે પછી ધોનીની ટીકાનો સામનો વધારે કરવો પડ્યો. જોકે IPL 2018માં ધોની સારા ફોર્મમાં અને શાનદાર ઇનિંગ્સ રમી. જે પછી ફેન્સને લાગ્યુ કે વર્લ્ડનો બેસ્ટ ફિનિશર પરત આવી ગયો છે. પરંતુ ઇન્ટરનેશનલ ક્રિકેટમાં તે પોતાની IPL જેવું પરફૉર્મન્સ ના કરી શકો. ઇંગ્લેન્ડના પ્રવાસ પર ધોનીએ ખૂબ જ ધીમી ઇનિંગ રમી અને સ્ટ્રાઇક રોરેટ કરવામાં પણ સફળ ના રહ્યો તે સિઝનમાં ધોનીએ 9 મેચમાં માત્ર 156 રન કર્યા.

બેટિંગમાં ફ્કિકો રહેનારો ધોનીએ સ્ટંપ્સ પાછળ એકદમ અલગ છે. તે એક ચુસ્ત વિકેટકીપર અને DRSમાં માહિર છે. આજ કારણે DRSમાં ધોની રિવ્યૂ સિસ્ટમ કહેવા લાગ્યા. ધોનીની આ તમામ ખૂબીઓને ધ્યાનમાં રાખીને ડીવિલયર્સે કહ્યુ કે ''લોકો મજાકિયા છે. હું એમ.એસ.ધોનીને હંમેશા ટીમમાં રમતા જોવા ઇચ્છું છુ. તે 80 વર્ષનો થઇ જશે અથવા તો વ્હીલચેર પર બેઠો હોય તેમ છતાં તે મારી ટીમમાં રમશે.''

ડીવિલયર્સે કહ્યુ કે ''તમે ધોનીના રેકોર્ડ્સ જુઓ. તમે આ દરજ્જાના ખિલાડીને ટીમમાંથી બહાર કરવાનું પણ કઇ રીતે વિચારી શકો છો? તમે તમારા સ્વાર્થને જોઇને આગળ વધી શકો છો હું નહી. ધોની જેવું કોઇ નથી.'' ઉલ્લેખનીય છે કે તાજેતરમાં જ ટીમ ઇન્ડિયાના પ્રમુખ ચયનકર્તા એમ.એસ.કે પ્રસાદે કહ્યુ કે 2019 વર્લ્ડ કપ સુધી ધોની ટીમનો પ્રમુખ સભ્ય રહેશે અને રિષભ પંત બેટ્સમેન તરીકે ટીમમાં રહેશે.