VIRAL / ક્રિકેટથી દૂર રહેલો ધોની ખેતી કરતો દેખાયો, વીડિયો વાયરલ

• ક્રિકેટથી દૂર ધોની દેખાયો નવા અંદાજમાં
• સોશિયલ મીડિયા પર શેર કર્યો વીડિયો
• ઓર્ગેનિક ખેતીમાં હાથ અજમાવી રહ્યો છે આ ક્રિકેટર

આઈપીએલ માટે તૈયારીમાં લાગ્યો ધોની

આગામી મહિને શરૂ થનારી આઈપીએલ માટે ધોની તૈયારીઓમાં લાગી ગયો છે. તે બે માર્ચે તે પોતાની ટીમ ચેન્નઈ સુપર કિંગ્સની સાથે જોડાશે. જેથી ધોની હાલ ફિટનેસ માટે જેએસસીએના જિમમાં ખૂબ પરસેવો પાડી રહ્યો છે. એક વીડિયોમાં ધોની કાળા રંગનું પેન્ટ અને ટી-શર્ટ પહેરીને બર્પી વિથ બોક્સ જંપ કરતા જોવા મળી રહ્યો છે. ત્યારબાદ જેએસસીએ સ્ટેડિયમમાં બેટિંગનો અભ્યાસ કર્યો અને સાથે જ તે મેદાનની પિચ પર કામ કરતો પણ જોવા મળ્યો હતો. તેની તસવીરો સોશિયલ મીડિયા પર વાયરલ થઈ રહી છે. ધોની નેટ્સ પર બેટિંગનો અભ્યાસ કરતો જોવા મળ્યો હતો. ત્યારબાદ રોલર પર બેસીને પિચને રોલ કરતા જોવા મળ્યો હતો.

મિત્રો સાથે કરી મસ્તી

માહી જ્યારે પણ રાંચીમાં હોય છે ત્યારે પોતાના મિત્રોની સાથે મસ્તી-મજા જરૂર કરે છે. બુધવારે પણ તેણે આવું જ કર્યું. પોતાની મર્સિડિઝ બેન્ઝમાં મિત્રોની સાથે રિંગ રોડ પર લોન્ગ ડ્રાઇવ માટે રવાના થયો. આ દરમિયાન તેણે પતરાતૂ ઘાટી અને સિકિદરી ઘાટીની સુંદરતાને માણી હતી. કાર માહી પોતે ડ્રાઇવ કરી રહ્યો હતો. આ દરમિયાન તેણે અનેક સ્થળે રોકાઈને સેલ્ફી પણ લીધી.