Wednesday, August 21, 2019
સબસ્ક્રાઈબ કરો VTVGujarati ન્યુઝ Whatsapp

સ્પોર્ટ્સ / ધોની આ 'ઋણ' ચૂકવવા માટે સતત બદલતો રહે છે પોતાનું બૅટ, એક તો વેચાયું હતું 1 કરોડમાં

 ધોની આ 'ઋણ' ચૂકવવા માટે સતત બદલતો રહે છે પોતાનું બૅટ, એક તો વેચાયું હતું 1 કરોડમાં

વર્તમાન વર્લ્ડ કપમાં પોતાની ધીમી બેટિંગને કારણે આલોચના સહન કરી રહેવા દિગ્ગજ ભારતીય વિકેટકીપર તથા બેટ્સમેન મહેન્દ્ર સિંહ ધોની ટૂર્નામેન્ટમાં મેચ દરમિયાન 3 અલગ-અલગ સ્પોન્સર ધરાવતા બેટ સાથે રમી રહ્યા છે. ધોની જ્યારે બેટિંગ કરવા માટે મેદાનમાં ઉતરે છે ત્યારે તેમના હાથમાં જે સ્પોન્સરનું બેટ હોય છે તે બેટિંગ દરમિયાન દાવ પુરો થાય ત્યાં સુધીમાં બદલાઇ જાય છે. 

ઉલ્લેખનીય છે કે, ધોની ક્યારેક  SS, SG તો વળી ક્યારેક BAS કંપનીના બેટ સાથે રમતા નજરે ચઢે છે. ધોનીના જીવનનો સંઘર્ષ તેના ચાહકો "MS dhoni the untold story" માં જોઇ ચૂક્યા છે. ધોનીનું 3 પ્રકારના બેટ સાથે રમવાનો રાઝ તેમના મેનેજર અરૂણ પાંડેએ તાજેતરમાં ખોલ્યો હતો. 

અરૂણ પાંડેએ કહ્યું કે, ધોની વર્લ્ડ કપમાં વિવિધ પ્રકારની બ્રાંડ ધરાવતા બેટનો ઉપયોગ કરી રહ્યા છે. પરંતુ તે તેના માટે પૈસા લેતા નથી. બસ માત્ર તેઓ પોતાની કારકિર્દીના કેટલાય ચઢાવ-ઉતાર સમયે કરેલી મદદનું ઋણ ચૂકવે છે. 

અરૂણ પાંડેએ કહ્યું કે, ધોનીનું હ્રદય બહું મોટું છે. તેમને પૈસાની જરૂરીયાત નથી. તેની પાસે અઢળક પૈસો છે. તેઓ આ બેટનો ઉપયોગ માત્ર સારા ભાવ માટે કરી રહ્યા છે. BAS તેની સાથે શરૂઆતથી જ જોડાયેલું છે. તથા SG એ તેને ઘણો લાંબો સમય સુધી મદદ કરી હતી. 

આપને જણાવી દઇએ કે, 2004માં જ્યારે ધોનીએ વનડે ઇન્ટરનેશનલમાં ડેબ્યૂ કર્યું હતું ત્યારે તે BASના બેટથી રમત રમતા હતા.

ત્યારબાદ તેમણે કેટલીય કંપનીઓના બેટથી રમત રમી પરંતુ વધારે પ્રમાણમાં આ 3 કંપનીઓના બેટ થકી તેઓ રમત રમતા આવ્યા છે. 2011ના વર્લ્ડ કપની ફાઇનલમાં શ્રીલંકા વિરૂદ્ધ જ્યારે ધોનીએ સિક્સર મારી હતી. આ બેટ 1.11 કરોડમાં વેચાયું હતું. 

જોવા જેવું વધુ જુઓ

બ્રેકિંગ ન્યૂઝ