IND vs NZ T20 / VIDEO: માહીભાઈની એન્ટ્રી! પંડ્યા સેનાને વિજયમંત્ર આપવા પહોંચ્યો ધોની, ખેલાડીઓ થઈ ગયા સરપ્રાઈઝ

• ભારત-ન્યુઝીલેન્ડ વચ્ચે પહેલી ટી20 મેચ રાંચીમાં રમાશે
• મેચ પહેલા મહેન્દ્ર સિંહ ધોનીએ બધા ખેલાડીઓને ચોંકાવ્યાં
• ડ્રેસિંગ રૂમમાં ધોનીને જોઇને ભારતીય ખેલાડીઓ ખુશ થયા

ધોનીએ અચાનક ભારતીય ખેલાડીઓને ચોંકાવ્યાં 

હાર્દિક પંડ્યાની આગેવાનીમાં ભારતીય ટીમ પોતાની ધરતી પર ન્યુઝીલેન્ડ સામે ત્રણ મેચની ટી20 સીરીઝ રમશે. આ શ્રેણીની પહેલી ટી20 મેચ રાંચીમાં 27 જાન્યુઆરીએ રમાશે. રોહિત શર્માની કેપ્ટનશિપમાં ભારતીય ટીમે હાલમાં પોતાની ધરતી પર ન્યુઝીલેન્ડને ત્રણ મેચની વન-ડે શ્રેણીમાં 3-0થી ક્લીન સ્વીપ કર્યુ છે. 

ધોની નારિયેળ પાણી પીતા દેખાયા 

ખરેખર, આ પહેલી ટી20 મેચ રાંચીમાં થઇ રહી છે, જે ધોનીનુ ઘર છે. જ્યારે ભારતીય ટીમ ત્યાં પહોંચી તો ધોની પણ તાત્કાલિક મેદાનમાં આવી ગયો અને તેમણે ભારતીય ટીમના ડ્રેસિંગ રૂમમાં એન્ટ્રી કરી. ધોનીને જોઇને ભારતીય ખેલાડી વધુ ખુશ અને આશ્ચર્યચકિત થયા. બધા ખેલાડીઓએ ધોનીને ઘેરી લીધો અને તેમની સાથે હસવા લાગ્યા. આ દરમ્યાન ધોની નારિયેળ પાણી પીતા દેખાયા. 

ખેલાડીઓએ ઘેરીને ધોની સાથે વાત કરી 

ભારતીય ટીમના ડ્રેસિંગ રૂમમાં ધોનીની એન્ટ્રીવાળો વીડિયો બીસીસીઆઈએ સોશિયલ મીડિયામાં શેર કર્યો. વીડિયોમાં જોઇ શકો છો કે ઈશાન કિશન, હાર્દિક પંડ્યા, શુભમન ગિલ અને સૂર્ય કુમાર યાદવ કેવીરીતે ધોનીને ઘેરીને વાત કરતા દેખાઈ રહ્યાં છે. મહત્વનું છે કે રાંચી ઈશાનનુ પણ હોમ ગ્રાઉન્ડ છે. 

Look who came visiting at training today in Ranchi - the great @msdhoni! 😊#TeamIndia | #INDvNZ pic.twitter.com/antqqYisOh

— BCCI (@BCCI) January 26, 2023

ધોનીને જોઇને અન્ય સ્ટાફ પણ આવી ગયો

ધોનીને જોઈને અન્ય સ્ટાફના લોકો પણ તાત્કાલિક આવી ગયા અને તેમની સાથે હાથ મિલાવીને વાત કરવા લાગ્યા. આ દરમ્યાન કેટલાંક યુવા ખેલાડીઓએ પણ ધોની સાથે વાત કરી. વીડિયોના અંતમાં વોશિંગ્ટન સુંદર પણ ધોની સાથે વાત કરતા દેખાયા.