ભારતના પૂર્વ કેપ્ટન મહેન્દ્ર સિંહ ધોની છેલ્લા કેટલાક દિવસોથી વેકેશન માણી રહ્યા છે. જુલાઈમાં ઇંગ્લેન્ડમાં યોજાનાર વનડે વર્લ્ડ કપમાં સેમીફાઈનલમાંથી ભારત બહાર ફેંકાયા બાદ 38 વર્ષીય ધોની વેકેશન પર ઉતર્યા છે અને ત્યારબાદ ભારતીય ટીમ સાથે તેઓ મેચ રમી રહ્યા નથી.
મહેન્દ્ર સિંહ ધોનીનો વીડિયો વાયરલ
જુર્મ ફિલ્મનું ગાઇ રહ્યા છે ગીત
ઇન્ટાગ્રામ યુઝર્સે કર્યો પોસ્ટ
ત્યારે મહેન્દ્ર સિંહ ધોનીનો એક વીડિયો સામે આવ્યો છે, જે એક ઇન્ટગ્રામ યૂઝર્સે પોસ્ટ કર્યો છે જેમાં ધોની જુર્મ ફિલ્મનું ગીત, જબ કોઇ બાત બિગડ જાયે, જબ કોઇ મુશ્કિલ પડ જાયે, તુમ દેના સાથ મેરા ઓ હમનવા....ગાઇ રહ્યા છે.
જાન્યુઆરી સુધી ક્રિકેટ મામલે નહીં પૂછવાનો કર્યો ઉલ્લેખ
નોંધનીય છે કે, ભારતીય ટીમના પૂર્વ કેપ્ટન મહેન્દ્ર સિંહ ધોની આંતરરાષ્ટ્રીય ક્રિકેટમાં ક્યારે પરત ફરશે, અથવા સન્યાસની જાહેરાત કરશે તેને લઇને હાલ ચર્ચાઓ ઠેર-ઠેર ચાલી રહી છે. જો કે, થોડા સમયગાળા પહેલા મુંબઇમાં યોજાયેલ એક કાર્યક્રમમાં ભાગ લેવા પહોંચેલા મહેન્દ્રસિંહ ધોનીને પૂછવામાં આવ્યું કે ક્યાં સુધી તેઓ ક્રિકેટની બહાર રહેશે? ત્યારે તેમણે કહ્યું કે, જાન્યુઆરી સુધી ન પૂછો.