સ્પોર્ટ્સ / ધોનીએ સંન્યાસની જાહેરાત કરીને તરત જ ઇંગ્લેન્ડથી મળી મોટી ઓફર !

• આંતરરાષ્ટ્રીય ક્રિકેટને ધોનીએ કહ્યું અલવિદા 
• ધોનીએ સંન્યાસ લીધાને થોડી જ વારમાં મળી મોટી ઓફર 
• શેન વોર્ને  ધ હન્ડ્રેડ લીગમાં પોતાની ટીમમાંથી રમવા કરી મોટી ઓફર 

ભારતીય ક્રિકેટ ટીમના કેપ્ટન કૂલ મહેન્દ્ર સિંહ ધોનીએ આંતરરાષ્ટ્રિય ક્રિકેટને અલવિદા કહી દીધું છે અને તેમની આ જાહેરાતના કલાક બાદ જ તેમને ખૂબ મોટી ઓફર મળી હતી. ઓસ્ટ્રેલીયાના પૂર્વ ખેલાડી અને ધ હન્ડ્રેડ લીગની ટીમ લંડન સ્પીરીટનાં મુખ્ય કોચ શેન વોર્ને તેમને પોતાની ટીમમાંથી રમવાની ઓફર કરી છે. આ ટૂર્નામેન્ટ આવતા વર્ષે ઈન્ગ્લેન્ડમાં રમાશે.  

નોંધનીય છે કે ધ હન્ડ્રેડ લીગ હાલમાં એક પ્રયોગાત્મક ટૂર્નામેન્ટ છે જે આં વર્ષે આઠ ટીમો સાથે લોન્ચ થવાની હતી. આ ટૂર્નામેન્ટમાં દરેક ટીમ તરફથી 100 બોલ રમાવામાં આવે છે પરંતુ કોરોના વાયરસના કારણે આ વર્ષે આ ટૂર્નામેન્ટ મોકૂફ કરી દેવામાં આવી હતી. 

નોંધનીય છે કે ભલે ધોનીએ હાલ આંતરરાષ્ટ્રીય ક્રિકેટથી સંન્યાસ લઇ લીધો હોય પણ તે આઈપીએલમાં તો રમવાના જ છે. આ સિવાય અહેવાલોનું માનીએ તો ધોની અત્યારે ફ્રેન્ચાઇઝી બેઝ્ડ ટૂર્નામેન્ટ રમતા રહેશે. 

ધોની આઈપીએલની તૈયારી કરવા માટે ચેન્નઈ પહોંચે તે પહેલા જ તેમણે મોટી જાહેરાત તેમને ઇન્સ્ટાગ્રામ એકાઉન્ટ પર કરી નાખી, જેમાં તેમણે એક વીડિયો શેર કર્યો હતો અને કહ્યું કે સાંજે 7 વાગ્યાને 29 મિનીટથી મને રીટાયર માની લેવામાં આવે. ધોનીએ જેવી જ જાહેરાત કરી ત્યાં સુરેશ રૈનાએ પણ સંન્યાસની જાહેરાત કરી નાખી હતી.