IPLIN
 
  • Home
  • Sports
  • Cricket
  • MS Dhoni plays cricket with children in Leh the photo goes viral

VIRAL / PHOTO: લેહમાં બાળકો સાથે ક્રિકેટ રમતો જોવા મળ્યો માહી

Team VTV 09:11 AM, 18 Aug 19
Follow us
MS Dhoni plays cricket with children in Leh the photo goes viral

ટીમ ઇન્ડિયાનો પૂર્વ કેપ્ટન  અને સ્ટાર વિકેટકીપર-બેટ્સમેન મહેન્દ્ર સિંહ ધોનીએ ટેરિટોરિયલ આર્મી સાથે જમ્મૂ-કાશ્મીરમાં પોતાની 2 અઠવાડિયાની ટ્રેનિંગ પૂરી કરી દીધી છે.

 આ વચ્ચે બાળકો સાથે બાસ્કેટબોલ કોર્ટમાં ક્રિકેટ રમતો ધોનીનો ફોટોગ્રાફ સોશ્યલ મીડિયામાં વાયરલ થયો છે. આ ફોટોમાં ધોની બોલને બેટથી હિટ કરતો જોવા મળી રહ્યો છે.

 

જોકે આ પહેલી વખત નથી કે ધોનીનો કોઇ ફોટો કે વીડિયો વાયરલ થયો હોય. આ પહેલા પણ ધોની સ્વતંત્રતા દિવસની ઉજવણી શરૂ થાય તે પહેલા ધોની લેહની આર્મી હોસ્પિટલ પહોંચ્યો હતો, જ્યાં તેણે જવાનો સાથે ઘણો સમય પસાર કર્યો હતો. આર્મી જવાનો સાથે સમય વીતાવતો ધોનીનો વીડિયો પણ વાયરલ થયો હતો. આ વીડિયોમાં જોઇ શકાય છે કે, ધોની જવાનોની વાત ધ્યાનથી સાંભળી રહ્યો છે. ધોનીએ સ્પેશિયલ ફોર્સનો યૂનિફોર્મ પહેરેલો છે, તેના હાથમાં ચા અને બ્રેડ દેખાઇ રહી છે. 

 

2011માં ટેરિટોરિયલ આર્મી  સાથે જોડાનરા ધોનીની ટ્રેનિંગ 15 ઓગસ્ટના પૂરી થઇ. આ દરમિયાન ધોની જવાનો સાથે વોલીબોલ રમતો તો ક્યારેક પોતાના જૂતા પોલિશ કરતો જોવા મળ્યો. ધોની જવાનો સાથે એવી જ રીતે રહ્યો અને તેના માટે કોઇ ખાસ વ્યવસ્થા કરવામાં આવી ન હતી. ટ્રેનિંગ દરમિયાન ધોનીએ પેટ્રોલિંગ, ગાર્ડ અને પોસ્ટ ડ્યૂટી કરી. 

રિપોર્ટ્સ અનુસાર, મહેન્દ્ર સિંહ ધોનીએ લદ્દાખમાં ક્રિકેટ એકડમી ખોલવાનું પણ વચન આપ્યુ છે.  ધોની પાસે લેફ્ટેન્ટ કર્નલની માનદ પદવી છે અને તે પેરાશૂટ રેજિમેન્ટની 106 પેરા બટાલિયનનો સભ્ય છે. 2015માં આગ્રા ટ્રેનિંગ કેમ્પમાં સેનાના વિમાનમાંથી પાંચ પેરાશૂટ જંપ લગાવીને ધોની ક્વોલિફાઇડ પેરાટ્રૂપર બન્યો હતો. ધોની ઘણીવખત સેનાની વરદીમાં જોવા મળ્યો છે, તેને પદ્મ સન્માન મળ્યુ ત્યારે પણ તે જવાન તરીકે તેણે સ્વીકાર કરવા ગયો હતો.

sports Cricket MS Dhoni Photo Viral
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ