IPL / ધોનીએ 9 વર્ષમાં બીજી વખત મિસ કરી CSKની કેપ્ટન્સી, પરિણામમાં મળી હાર

ચેન્નાઇ સુપરકિંગ્સના નિયમિત કેપ્ટન મહેન્દ્ર સિંહ ધોની તાવના કારણે શુક્રવારે મુંબઇ ઇન્ડિયન્સની વિરુદ્ઘ IPL મેચ નહતો રમી શક્યો. વર્ષ 2010 પછી આ બીજી વખત છે જ્યારે 3 વખત IPL વિજેતા કેપ્ટન ચેન્નાઇ સુપર કિંગ્સ માટે મેચ ના રમી શક્યો હોય, ધોનીની જગ્યાએ આ મેચમાં સુરેશ રૈનાને ટીમની કેપ્ટન્સી કરી હતી. 

#Thala missing out a game for the second time this season, this time due to fever! 😢

— Chennai Super Kings (@ChennaiIPL) April 26, 2019

ચેન્નાઇ સુપરકિંગ્સે પોતાના ટ્વિટર પર લખ્યુ કે, ''થાલા (ધોની) આ સિઝનમાં બીજી વખત મેચમાંથી બહાર છે, આ વખતે તાવ કારણ છે.'' સુરેશ રૈનાને ધોનીની ગેરહાજરીમાં કેપ્ટન બનાવવામાં આવ્યો હતો.

આ પહેલા પણ  સિઝનમાં સનરાઇઝર્સ હૈદરાબાદની વિરુદ્ઘ IPL મેચમાં મહેન્દ્ર સિંહ ધોનીને પીઠમાં દુખાવાના કારણે મેચ નહતો રમ્યો. આ મેચમાં ચેન્નાઇ સુપર કિંગ્સને સનરાઇઝર્સ હૈદરાબાદની સામે 6 વિકેટથી હારનો સામનો કરવો પડ્યો હતો.

ધોનીએ 19 માર્ચ 2010માં દિલ્લીની વિરુદ્ઘ, 21 માર્ચ 2010માં પજાંબની વિરુદ્ઘ અને 23 માર્ચ 2010ના બેંગ્લોરની વિરુદ્ઘ રમાયેલી IPL મેચમાં શામેલ નહતો. 23 માર્ચ 2010થી અત્યાર સુધીની 107 મેચમાં ધોનીએ CSKની કેપ્ટન્સી કરી હતી. 

ચેન્નઇ સુપરકિંગ્સનો વિજય રથ અટક્યો:

ધોની વગર ચેન્નાઇ સુપરકિંગ્સને મુંબઇ ઇન્ડિયન્સએ 46 રનથી માત આપીને ચેપૉક સ્ટેડિયમમાં તેમના વિજય અભિયાનમાં રોક લગાવી દીધી અને આ જીત સાથે મુંબઈના 11 મેચમાં 14 પોઇન્ટ સાથે પોઈન્ટ્સ ટેબલમાં બીજા સ્થાને છે. મુંબઈ બાકીની 3માંથી 1 મેચ જીતે તો પ્લે-ઓફમાં પોતાનું સ્થાન નિશ્ચિત કરી દેશે. યારે ચેન્નાઈના 12 મેચમાં 16 પોઇન્ટ છે અને તે પ્રથમ સ્થાને મજબૂત છે.

મુંબઇની શાનદાર જીત:

ટૉસ હારીને પહેલૈ બેટિંગ કરવા માટે આવેલી મુંબઇ ઇન્ડિયન્સની ટીમે 20 ઑવરમાં 4 વિકેટ ગુમાવીને 155 રન કર્યા, જ્યારે CSKને જીત માટે 156 રનનો ટાર્ગેટ આપ્યો. ટાર્ગેટનો પીછો કરવા માટે આવેલી CSKએ 17.4 ઑવરમાં 109 રને ઑલઆઉટ થઇ ગઇ. મુંબઈ માટે લસિથ મલિંગાએ 4 વિકેટ, જસપ્રીત બુમરાહ અને કૃણાલ પંડ્યાએ 2-2 વિકેટ જયારે હાર્દિક પંડ્યા અને અનુકૂલ રોયે 1-1 વિકેટ લીધી હતી.