ક્રિકેટ / કોરોનાના કારણે IPL થઈ સ્થગિત, આ નવા લૂક સાથે પાછો ફર્યો MS ધોની

• કોરોનાના કારણે IPL 15 એપ્રિલ સુધી કરાઈ સ્થગિત
• ભૂતપૂર્વ ભારતીય કપ્તાન એમએસધોનીનો નવો લૂક
• CSKના વીડિયોમાં જોવા મળ્યો ધોનીનો ફ્રેંચ કટ દાઢીનો લૂક

ભૂતપૂર્વ ભારતીય કેપ્ટન મહેન્દ્રસિંહ ધોની ચેન્નઈ સુપર કિંગ્સ (CSK) તાલીમ શિબિર માટે રવાના થઈ ગયો છે. કારણ કે કોવિડ -19 રોગચાળાને કારણે આઈપીએલનો 13 મો તબક્કો 15 મી એપ્રિલ સુધી સ્થગિત કરાયો છે. તે આ મહિનાની શરૂઆતમાં ચેન્નાઈ સુપર કિંગ્સના તાલીમ શિબિર માટે ચેન્નઇ આવ્યો હતો અને મોટી સંખ્યામાં ચાહકોની હાજરીમાં બેઝ છોડી દીધો હતો.

"It has become your home sir!" Keep whistling, as #Thala Dhoni bids a short adieu to #AnbuDen. 🦁💛 pic.twitter.com/XUx3Lw4cpH

— Chennai Super Kings (@ChennaiIPL) March 14, 2020

ચેન્નાઈ સુપર કિંગ્સે તેના ટ્વિટર હેન્ડલ પર એક વીડિયો સાથે લખ્યું છે, 'આ તમારું ઘર બની ગયું છે સર'. વીડિયોમાં ઘણા ચાહકો બતાવવામાં આવ્યા છે જેઓ ધોનીની એક ઝલક મેળવવા માટે ઉત્સુક હતા. ધોનીએ તેમને ઓટોગ્રાફ પણ આપ્યા અને ચાહકો સાથે વાતચીત કરી. ધોનીનો નવો લુક પણ જોવા મળી રહ્યો છે જેમાં તે ફ્રેન્ચ કટ દાઢીમાં જોવા મળી રહ્યો છે.

ભવિષ્યને લઈને પણ ધોનીએ કોઈ સ્પષ્ટતા કરી નથી

ઈન્ડિયન ક્રિકેટ બોર્ડે શુક્રવારે આઈપીએલને 15 એપ્રિલ સુધી સ્થગિત કરી હતી. 38 વર્ષનો ધોની ગયા વર્ષે ઈંગ્લેન્ડમાં 50 ઓવરના વર્લ્ડ કપના સેમિફાઈનલમાં ભારતને ન્યૂઝીલેન્ડ સામે મળેલી હાર બાદ કોઈ પણ ફોર્મેટની મેચ રમી રહ્યો નથી. પોતાના ભવિષ્યને લઈને પણ તેણે કોઈ સ્પષ્ટતા કરી નથી. 

ઉલ્લેખનીય છે કે બીસીસીઆઈએ શનિવારે આઈપીએલના ફ્રેન્ચાઈઝીના માલિકો સાથે બોર્ડના મુખ્યાલય પર બેઠક કરી હતી. તે આ મહિનાના અંત સુધી જુઓ અને રાહ જુઓની નીતિ પર ચાલશે. આ પછી તેઓ આઈપીએલના 13મા તબક્કાના ભાગ્યને લઈને કોઈ નિર્ણય કરશે.