એક તાજા સર્વે પ્રમાણે ટીમ ઇન્ડિયાના પૂર્વ કેપ્ટન મહેન્દ્ર સિંહ ધોની દેશના સૌથી પ્રશંસનીય શખ્સોની યાદીમાં બીજા સ્થાન પર છે.આ યાદીમાં પીએમ મોદી પહેલા સ્થાન પર છે, જ્યારે ધોની અહીંયા વિરાટ કોહલી અને સચિન તેંડુલકરથી પણ આગળ છે.
YouGovએ પુરુષો અને મહિલાઓની અલગ અલગ શ્રેણીઓમાં 41 દેશોના 42000 લોકોનો સર્વે કર્યો
સર્વેમાં ધોની 8.58% ની સાથે રતન ટાટા 8.02%ની સાથે ત્રીજા સ્થાન પર
મહિલાઓમાં કિરણ બેદી (9.46%) બીજા અને લતા મંગેશકર (9.23%) ત્રીજા નંબર પર
વર્લ્ડકપ બાદથી મહેન્દ્ર સિંહ ધોની ભલે ક્રિકેટના મેદાનથી દૂર હોય. પરંતુ ટીમ ઇન્ડિયાના પૂર્વ કેપ્ટન પોતાની લોકપ્રિયતાના મામલે કોઇથી પાછળ નથી. તાજેતરમાં થયેલા એક તાજા સર્વે અનુસાર પ્રધાનમંત્રી નરેન્દ્ર મોદી બાદ ધોની દેશમાં બીજા સૌથી પ્રશંસનીય શખ્સ છે. આ સર્વે YouGovએ કરાયો છે, જેમાં 41 દેશોના 42 હજાર લોકોએ ભાગ લીધો. આ સર્વેમાં બે કેટેગરિઝમાં દુનિયાની સર્વાધિક પ્રશંસનીય લોકોની યાદી તૈયાર કરવામાં આવી છે.
સર્વે પ્રમાણે પુરુષોમાં પ્રધાનમંત્રી નરેન્દ્ર મોદી 15.66% અને મહિલાઓની યાદીમાં બૉક્સર મેરીકૉમ 10.36% ની સાથે ટૉપ પર છે. જ્યારે ધોની 8.58% ની સાથે બીજા અને રતન ટાટા 8.02% ની સાથે ત્રીજા સ્થાન પર છે. અમિતાભ બચ્ચન છઠ્ઠા, સચિન તેંડુલકર સાતમા અને વિરાટ કોહલી આઠમા નંબર પર છે.
મલાલા છઠ્ઠા નંબર પર
મહિલાઓમાં મેરીકોમ બાદ કિરણ બેદી(9.46%) બીજા અને લતા મંગેશકર(9.23%) ત્રીજા નંબર પર છે. નોબેલ શાંતિ પુરસ્કાર વિજેતા પાકિસ્તનની મલાલા યુસુફજઈ પણ ભારતમાં ખૂબ જ લોકપ્રિય છે. તે આ લિસ્ટમાં 5.75%ની સાથે છઠ્ઠા સ્થાને છે. જ્યારે અમેરિકાના પૂર્વ રાષ્ટ્રપતિ બરાક ઓબામાની પત્ની મિશેલ(5.53%) સાતમાં નંબરે છે.
અમેરિકાની સૌથી જાણીતા ટૉપ-20માં બે ભારતીય મહિલાઓ અને બે પુરુષ
બીજી બાજુ અમેરિકાની સૌથી ફેમસ વ્યક્તિઓની ટૉપ-20 યાદીમાં બે ભારતીય પુરુષ સલમાન ખાન, અમિતાભ બચ્ચન અને બે મહિલાઓ પ્રિયંકા ચોપડા અને ઐશ્વર્યા રાય સામેલ છે. સલમાન (0.47%) 17માં અને અમિતાભ (0.46%) 18માં નંબર પર છે.
વર્લ્ડ ટૉપ-10માં મોદી એકલા ભારતીય
YouGovના વિશ્વના સૌથી જાણીતા ટોપ-10 લોકાના લિસ્ટમાં એક માત્ર ભારતીય વડાપ્રધાન નરેન્દ્ર મોદી છે. તે આ લિસ્ટમાં 4.8%ની સાથે છઠ્ઠા નંબર પર છે. શાહરૂખ ખાન અને સલમાન પ્રથમ વાર લિસ્ટમાં ટોપ-20માં સામેલ થયા છે. શાહરૂખ(2.2%) 16માં અને સલમાન(1.7%) 18માં નંબરે છે. જ્યારે વિશ્વમાં સૌથી લોકપ્રિય મહિલાઓની વાત કરવામાં આવે તો લિસ્ટમાં ટોપ-20માં દીપિકા પાદુકોણ(2.8%) 13માં, પ્રિયંકા ચોપડા(2.8%) 14માં, એશ્વર્યા રાય(2.7%) 16માં અને સુષ્મિતા સેન (2.2%) 17માં નંબરે છે.