વર્લ્ડકપ 2019 પછી મહેન્દ્ર સિંહ ધોની સાત મહિનામાં લાંબા બ્રેક પછી ફરી આવ્યો છે, તે 29 માર્ચથી શરૂ થનારી IPL ની 13મી સિઝન માટે તૈયારી કરી રહ્યો છે. ચેન્નાઇના ચેપોક સ્ટેડિયમમાં તે સતત બેટથી કમાલ કરી રહ્યો છે. હજારોની સંખ્યાં ઓડિયન્સ તેની પ્રેક્ટિસ જોવા માટે આવી રહ્યા છે.
ધોની પ્રેક્ટિસ દરમિયાન જૂના ફોર્મમાં દેખાઇ રહ્યો છે. આ વાતની ખબર તેના શોટ્સ જોઇને પડે છે. IPL નું ટેલિકાસ્ટ કરતી સ્ટાર સ્પોર્ટ્સ તમિલ ચેનલ પર ધોનીના પ્રેક્ટિસ સેશનનો વીડિયો શૅર કરવામાં આવ્યો છે. જેમાં તે 1-1 કરીને 5 બૉલમાં 5 સિક્સર્સ ફટકારે છે. ઓડિયન્સ માટે આ સારા સમાચાર છે. ગ્રાઉન્ડમાં કમબેક કર્યા પછી માહી ફરી જૂના ફોર્મમાં છે.
BALL 1⃣ - SIX
BALL 2⃣ - SIX
BALL 3⃣ - SIX
BALL 4⃣ - SIX
BALL 5⃣ - SIX
ஐந்து பந்துகளில் ஐந்து சிக்ஸர்களை பறக்கவிட்ட தல தோனி!
— Star Sports Tamil (@StarSportsTamil) March 6, 2020
ઉલ્લેખનીય છે કે, ગત વર્ષે વન ડે વર્લ્ડકપ પછી એવી જ અટકળો લગાવવામાં આવી રહી હતી કે આ સીનિયર ખેલાડી હવે ક્રિકેટને અલવિદા કહી દેશે. કારણ કે પૂર્વ ભારતીય કેપ્ટને ત્યારથી જ કોઇ મેચ રમી નથી.
IPL માં ધોનીની ટીમમાંથી રમી ચૂકેલા ઑફ સ્પિનર હરભજનસિંહ ખુલાસો કર્યો છે કે ધોની IPL પહેલા ખૂબ જ પ્રેક્ટિસ કરી રહ્યો છે. તે નેટ્સ ત્યાં સુધી પ્રેક્ટિસ કરી રહ્યો છે જ્યાં સુધી તેની પીઠમાં દુખાવો ના થાય, જેનો મતલબ સ્પષ્ટ છે કે ધોની પોતાના ફોર્મમાં કોઇ કસર છોડવા બાકી નથી રાખતો. ચેન્નાઇ સુપર કિંગ્સની પહેલી મેચ મુંબઇ ઇન્ડિયન્સ સાથે વાનખેડે સ્ટેડિયમમાં 29મી માર્ચ હશે. આ સાથે જ 13મી સિઝનની શરૂઆત થશે.