ફિનિશર ધોની / ધોનીનું આ રૂપ જોઈને ખુરશીમાંથી કૂદયો વિરાટ, પત્ની સાક્ષીએ તો એવું કર્યું કે વિડીયો થઈ ગયો વાયરલ

• દિલ્હી કેપિટલ્સ સામેની મેચમાં ધોનીએ છેલ્લાં 5 બોલમાં 13 રન ફટકાર્યા
• ધોનીએ ચેન્નઈ સુપર કિંગ્સને નવમી વખત ફાઈનલમાં પહોંચાડી
• ધોનીનું રૌદ્ર સ્વરૂપ જોઈને વિરાટ ખુરશીમાંથી કૂદ્યો, કર્યુ ટ્વિટ

કોહલીએ કર્યુ ટ્વિટ

ધોનીએ 6 બોલમાં 3 ચોગ્ગા અને 1 ચોગ્ગાની મદદથી 18 રન ફટકાર્યા. ધોનીનું આ રૌદ્ર સ્વરૂપ જોઈને વિરાટ કોહલી પણ પોતાની જાતને રોકી શક્યા નહોતા. રોયલ ચેલેન્જર્સ બેંગ્લોરના કેપ્ટન વિરાટ કોહલીએ ટ્વિટ કરી લખ્યું, અને હવે કિંગ પાછો આવી ગયો છે. વિશ્વના સૌથી મહાન ફિનિશર. આજની ધમાકેદાર ઈનિંગના કારણે મારે મારી સીટ પરથી ઉઠવુ પડ્યુ.

Anddddd the king is back ❤️the greatest finisher ever in the game. Made me jump Outta my seat once again tonight.@msdhoni

— Virat Kohli (@imVkohli) October 10, 2021

ધોનીએ રૌદ્ર સ્વરૂપ ધારણ કર્યુ

મહત્વનું છે કે, ચેન્નઈ સુપર કિંગ્સને ફાઈનલમાં સ્થાન બનાવવા માટે છેલ્લી ઓવરમાં 13 રનની જરૂર હતી. ક્રીઝ પર CSKના કેપ્ટન મહેન્દ્ર સિંહ ધોની અને મોઈન અલી હતા. છેલ્લી ઓવરમાં દિલ્હી કેપિટલ્સના બોલર ટોમ કુરેને બોલિંગ લીધી અને પ્રથમ બોલમાં CSKના બેટ્સમેન મોઈન અલીને આઉટ કર્યા. મેચ વિષમભરી પરિસ્થિતિમાં જતી રહી અને ત્યારબાદ 5 બોલમાં 13 રન જોઈતા હતા. થોડી ક્ષણોમાં એવુ લાગ્યુ કે 40 વર્ષીય ધોની આ મેચને જીત અપાવી શકશે નહીં. પરંતુ એવી સ્થિતિ બદલાઈ કે જેને જોઈ દુનિયા ચોંકી ગઇ. ધોનીએ પોતાનુ રૌદ્ર સ્વરૂપ ધારણ કરી સતત 3 ચોગ્ગા ફટકાર્યા. જેમાં એક બોલ વાઈડ રહ્યો અને આ રીતે માહીએ બાજી મારી દીધી.

pic.twitter.com/59dhDykYOa

— pant shirt fc (@pant_fc) October 10, 2021

ચેન્નઈ સુપર કિંગ્સ આઈપીએલની ફાઈનલમાં પહોંચી

કેપ્ટન મહેન્દ્ર સિંહ ધોનીએ છેલ્લી ઓવરમાં આવીને પોતાની ટીમને ઐતિહાસિક જીત અપાવી અને આ સાથે ચેન્નઈએ નવમી વખત IPLમાં પ્રવેશ કર્યો. એ પણ ત્યારે જ્યારે CSK ગત આઈપીએલમાં સાતમા ક્રમાંકે રહી હતી. એમએસ ધોનીએ પોતાની ઈનિંગમાં ફક્ત 6 બોલ રમ્યા અને 18 રન બનાવ્યાં. આ દરમ્યાન તેમણે 3 ચોગ્ગા અને એક છગ્ગો ફટકાર્યો. ચેન્નઈ સુપર કિંગ્સે 2020માં સાતમા સ્થાને રહીને બહાર આવી ગઇ હતી ત્યારે ધોનીએ કહ્યું હતુ કે અમારી ટીમ ફરીથી સારી વાપસી કરશે. હવે એક વખત ફરીથી એમએસ ધોનીની આગેવાનીમાં ચેન્નઈ સુપર કિંગ્સ ફાઈનલમાં પહોંચી ગઇ છે. આ નવમી વખત છે, જ્યારે ચેન્નઈ સુપર કિંગ્સ આઈપીએલની ફાઈનલમાં પહોંચી છે.