VIDEO: વિદેશી ધરતી પર ધોનીએ રાખ્યુ ભારતીય તિરંગાનું માન ફેન્સનું જીતી લીધુ દિલ

ટીમ ઇન્ડિયાના સીનિયર બેટ્સમેન મહેન્દ્ર સિંહ ધોનીએ ફરી એક વખત બતાવ્યુ કે ચેમ્પિયન તરીકે તેની શા માટે ઓળખ છે? ગ્રાઉન્ડ પર પોતાના કૂલ અંદાજ માટે ઓળખાતા ધોની દરેક નાની વસ્તુઓનું ધ્યાન રાખે છે. રવિવારે ન્યૂઝીલેન્ડ સામે રમાયેલી T-20 ઇન્ટરનેશનલ મેચમાં ફરી એકવખત તેણે આ વાતની સાબિતી આપી હતી. આ વખતે ધોનીના નિર્ણયથી રમત પર કોઇ ફરક ના પડ્યો હોય પરંતુ તેણે તમામ હિંદુસ્તાનીના દિલ જીતી લીધા છે. ધોનીએ અહીંયા તિંરગા પ્રતિ માન જાળવી રાખ્યુ છે. 

 

What a player! pic.twitter.com/0K6ew0Pbx1

— Abhishek Pandey (@abhishekpnd63) 10 February 2019

વાસ્તવમાં જ્યારે હેમિલ્ટનના ગ્રાઉન્ડ પર જ્યારે ટીમ ઇન્ડિયા ફિલ્ડિંગ કરી રહી હતી ત્યારે ધોનીનો એક ફેન ગ્રાઉન્ડમાં આવી ગયો. આ દરમિયાન તેના હાથમાં તિરંગો લઇને ઘૂંટણભેર ધોની પાસે બેસી ગયો. પોતાના ફેવરિટ પ્લેયરની આટલી નજીક પહોંચીને ફેન એટલો ભાવુક થઇ ગયો કે તેણે હાથમાંથી તિરંગો લઇને જ ધોનીને પગે લાગવાનો પ્રયત્ન કર્યો. 

જોકે ધોનીએ તિરંગાને જમીન પર અડકવા ના દીધો. તેણે પોતાની ચપળતા બતાવવા ફેનમાં હાથમાંથી તિરંગો પોતાના હાથમાં લીધો હતો. જે પછી આ ફેન ધોનીને મળવાની ખુશીમાં દોડીને મેદાન બહાર ચાલ્યો ગયો હતો અને તિરંગો ધોની પાસે જ રહ્યો હતો. સોશ્યલ મીડિયા પર ધોનીનો આ વીડિયો ખૂબ જ વાયરલ થઇ રહ્યો છે અને ફેન્સમાં તેમના ખૂબ જ વખાણ થઇ રહ્યા છે. 

હેમિલ્ટનમાં T-20માં ધોની એ પોતાની કરયરિની 300મી મેચ રમી તેઓ ટીમ ઇન્ડિયાનો પહેલો અને દુનિયાનો 12મો એવો ખિલાડી છે જે 300 અથવા તેનાથી વધારે T-20 મેચ રમી રહ્યો છે. પોતાના T-20 કરિયરમાં માહીએ 6136 રન કર્યા છે બેટ્સમેન તરીકે તેની એવરેજ 38.35ની રહી છે. જેમાં 24 હાફ સેન્ચુરીનો સમાવેશ થાય છે.