ભારતીય ટીમના પૂર્વ કેપ્ટન મહેન્દ્ર સિંહ ધોનીએ ક્રિકેટની પિચ પર ખૂબ રંગ જમાવ્યો. હવે વારો મનોરંજનનો છે. પ્રશંસકો આતુરતાપૂર્વક રાહ જોઇ રહ્યાં છે કે ક્યારે માહીના પ્રોડક્શન હાઉસની ફિલ્મ સામે આવશે. શુક્રવારે આ ફિલ્મનુ મોશન પિક્ચર લોન્ચ કરવામાં આવ્યું. ફિલ્મનુ નામ લેટ્સ ગેટ મેરિડ છે.
ધોની હવે મનોરંજનના મેદાનમાં ઉતરશે
ધોનીની ફિલ્મનો પહેલો લુક આવ્યો સામે
ફિલ્મનુ મોશન પિક્ચર લોન્ચ કરવામાં આવ્યું
ધોની હવે મનોરંજનના મેદાનમાં ઉતરશે
ક્રિકેટની પિચ પર ધુઆંધાર પ્રદર્શન કરનારા ભારતીય ટીમના પૂર્વ કેપ્ટન મહેન્દ્ર સિંહ ધોની નવી પિચ પર ઉતરવાના છે. માહીની ક્રિકેટ કારકિર્દી હવે અંતિમ તબક્કામાં છે. મનાઈ રહ્યું છે કે આ વર્ષે આઈપીએલ રમ્યા બાદ તેઓ પૂર્ણ રીતે પ્રતિસ્પર્ધી ક્રિકેટમાંથી સંન્યાસ લઇ લેશે. એવામાં ધોનીનો આગળનો પ્લાન શું છે તે કદાચ વધારે લોકોને ખબર ના હોય. ધોની હવે ક્રિકેટની પિચ બાદ એન્ટરટેઈનમેન્ટના મેદાનમાં ઉતરવા જઇ રહ્યાં છે. ધોની એન્ટરટેઈનમેન્ટ પ્રાઈવેટ લિમિટેડની પહેલી ફિલ્મ આવવાની છે.
ફિલ્મનુ પહેલુ મોશન પિક્ચર જાહેર કરાયું
ધોની એન્ટરટેઈનમેન્ટની ફિલ્મનુ પહેલુ મોશન પિક્ચર શુક્રવારે જાહેર કરી દેવામાં આવ્યું. આ એક તામિલ ભાષાની ફિલ્મ હશે. ફિલ્મનુ નામ છે લેટ્સ ગેટ મેરિડ. સાઉથના અભિનેતા હરીષ કલ્યાણ આ ફિલ્મમાં મુખ્ય ભૂમિકા નિભાવશે જ્યારે ફિલ્મની અભિનેત્રી ઈવાના હશે. ફિલ્મના ડાયરેક્ટર રમેશ ધમિલમણિ છે.
We're super excited to share, Dhoni Entertainment's first production titled #LGM - #LetsGetMarried!
ફિલ્મનો કોન્સેપ્ટ તેમની પત્ની સાક્ષી ધોનીએ તૈયાર કર્યો
આમ તો પ્રોડક્શન હાઉસનુ નામ ધોનીના નામે છે પરંતુ રિપોર્ટસ મુજબ ફિલ્મનો કોન્સેપ્ટ તેમની પત્ની સાક્ષી ધોનીએ તૈયાર કર્યો છે. વર્ષ 2019માં આ પ્રોડક્શન હાઉસની શરૂઆત થઇ હતી. આમ તો કોઈ મોટી ફિલ્મ અત્યાર સુધી આ પ્રોડક્શન હાઉસના બેનર હેઠળ બની નથી. પરંતુ ત્રણ શોર્ટ ફિલ્મ અત્યાર સુધી રીલીઝ થઇ ગઇ છે.