તેંડુલકર, ગાંગુલી, દ્રવિડ પછી આ કારનામું કરનાર ભારતીય બેટ્સમેન બન્યો ધોની

મહેન્દ્ર સિંહ ધોનીએ ઓસ્ટ્રેલિયા વિરુદ્ઘ વનડેમાં ફરી એક વખત ફિનિશરની ભૂમિકા ભજવી. હૈદરાબાદમાં રમાયેલી આ મેચમાં વિકેટકિપર બેટ્સમેન 59 રનોની ઇનિંગ રમી અને ટીમ ઇન્ડિયાને 49મી ઑવરમાં જીત અપાવી. 

ધોની અને કેદાર જાધવને સાથે મળીને પાંચમી વિકેટ માટે 141 રનની પાર્ટનરશિપ કરી. જાધવે 81*રનની ઇનિંગ રમી. પોતાની ઇનિંગ દરમિયાન ધોનીએ વધુ એક ઉપલબ્ધિ પોતાના નામે કરી. ધોનીએ લિસ્ટ A ક્રિકટેમાં 13000 રન કર્યા. ધોની સચિન તેંડુલકર, સૌરભ ગાંગુલી અને રાહુલ દ્રવિડ પછી ચોથા બેટ્સમેન છે જેમણે  આ સિદ્ઘિ મેળવી છે.

ધોનીએ અત્યાર સુધી લિસ્ટ Aમાં 13054 રન કર્યા છે. ધોનીએ 412 લિસ્ટ A મેચ રમી છે. તેંડુલકરે 551 લિસ્ટ A મેચમાં 21999 રન કર્યા છે. જે પછી સૌરભ ગાંગુલીનો નંબર આવે છે જેમણે 437 મેચમાં 15622 રન કર્યા છે. રાહુલ દ્રવિડ ત્રીજા નંબર પર આવે છે જેમણે 449 મેચમાં 15271 રન કર્યા. વિરાટ કોહલી લિસ્ટ A ક્રિકેટમાં સૌથી વધારે રન કરનાર ભારતીય બેટ્સમેનનો યાદીમાં પાંચમા સ્થાન પર છે. કોહલીએ 257 મેચમાં 12019 રન કર્યા. ઇંગ્લેન્ડના પૂર્વ કેપ્ટન ગ્રાહમ ગૂચ આ લિસ્ટમાં સૌથી ઉપર છે. ગૂચે 581 લિસ્ટ A મેચમાં 22211 રન કર્યા છે.

શનિવારે રમાયેલી આ મેચમાં ઓસ્ટ્રેલિયાએ ટીમ ઇન્ડિયા સામે 237 રનના ટાર્ગેટ રાખ્યો. ટીમ ઇન્ડિયાએ 99 રન પર 4 વિકેટ ગુમાવી દીધી. જે પછી ધોની અને જાધવને સાથે મળીને 141 રનની પાર્ટનરશિપ કરી. 5 મેચોની આ સીરિઝમાં 1-0થી ટીમ ઇન્ડિયા આગળ છે.