IPLIN
 
  • Home
  • Sports
  • Cricket
  • Ms Dhoni Birthday Special: Five Dhoni Records That Might Not Be Broken

Happy Birthday Dhoni / જ્યારે કેપ્ટન કૂલ ધોનીએ રચ્યો હતો ઈતિહાસ, તેના આ 5 રેકોર્ડ્સ સુધી પહોંચવું છે અશક્ય

Team VTV 10:20 AM, 07 Jul 20
Follow us
Ms Dhoni Birthday Special: Five Dhoni Records That Might Not Be Broken

મહેન્દ્ર સિંહ ધોની એક એવું નામ છે જેણે ભારતીય ક્રિકેટમાં એક આગવી ઓળખ બનાવી છે. વિરોધી ટીમને કેવી રીતે હરાવવી ભાગ્યે જ કોઈ ધોનીથી સારું જાણતું હશે! કેપ્ટન કૂલ તરીકે પ્રખ્યાત ધોનીએ તેની કેપ્ટન્સી હેઠળ ટીમ ઈન્ડિયાને ઘણી યાદગાર પળો આપી છે. એટલું જ નહીં ધોનીની ગણતરી વિશ્વના શ્રેષ્ઠ કેપ્ટન અને ફિનીશર્સમાં થાય છે. 16 વર્ષની કારકીર્દિમાં ધોનીએ પોતાના નામે અનેક રેકોર્ડ બનાવ્યા. 7 જુલાઈ 1981ના રોજ જન્મેલા ધોનીએ ક્રિકેટમાં એ બધું જ હાંસલ કર્યું જેનો તે હકદાર હતો. આજે 7 જુલાઈએ તેનો 39મો જન્મદિવસ છે. આ ખાસ અવસર પર અમે તમને ધોનીના પાંચ રેકોર્ડ જણાવવા જઈ રહ્યા છીએ, જેને તોડવા ખૂબ જ મુશ્કેલ છે.

  • આજે એમએસ ધોની તેનો 39મો બર્થડે સેલિબ્રેટ કરી રહ્યો છે
  • ક્રિકેટ જગતમાં કેપ્ટન કૂલના નામે પ્રખ્યાત છે ધોની
  • ત્યારે ધોનીના આ પાંચ રેકોર્ડ તોડવા અશક્ય છે
 
 
 
 
 
 
 
 
 
 
 
 
 

Good Morning Everyone.!❤️😍 . Pc:@venkata.jpeg

A post shared by M S Dhoni 🔵 (@m.s_dhoni.7) on

આઇસીસી ત્રણેય ટ્રોફી જીતનાર એકમાત્ર કેપ્ટન

મહેન્દ્રસિંહ ધોનીની ગણતરી આંતરરાષ્ટ્રીય ક્રિકેટમાં સૌથી સફળ કેપ્ટનમાં થાય છે. આઈસીસીની ત્રણેય ટ્રોફી જીતનાર ધોની એકમાત્ર કેપ્ટન છે. ધોનીની કેપ્ટનશિપ હેઠળ ભારતે 2007માં ટી -20 વર્લ્ડ કપ, બીજી વખત 2011માં તેની કેપ્ટનશિપ હેઠળ વર્લ્ડ કપ જીત્યો હતો. ધોનીની કેપ્ટન્સીમાં ભારતે 2013માં આઈસીસી ચેમ્પિયન્સ ટ્રોફીનો ખિતાબ પણ જીત્યો હતો. ધોનીએ ટીમ ઈન્ડિયા માટે ત્રણ આઈસીસી ટ્રોફી જીતીને દેશનું સન્માન વધાર્યું હતું.

આંતરરાષ્ટ્રીય ક્રિકેટમાં સૌથી વધુ સ્ટમ્પિંગનો રેકોર્ડ

લોકો એમએસ ધોનીની વિકેટકીપિંગ પાછળ દિવાના છે. વિકેટકીપિંગગમાં વીજળીની ઝડપે સ્ટમ્પિંગ કરવાની કળા ભાગ્યે જ કોઈ ધોનીથી સારું જાણતું હશે. આંતરરાષ્ટ્રીય ક્રિકેટમાં સૌથી વધુ સ્ટમ્પિંગનો રેકોર્ડ માહીના નામે છે. માહીએ આંતરરાષ્ટ્રીય ક્રિકેટમાં સૌથી વધુ 192 વખત ખેલાડીઓને સ્ટમ્પ કર્યા છે. તેના નામે ટેસ્ટમાં 38 વખત, વનડેમાં 120 અને ટી 20માં 34મો રેકોર્ડ  છે.

 
 
 
 
 
 
 
 
 
 
 
 
 

Happy Birthday Captain Cool !!😍😘❤️ •• •• Design by- @zillion.pixels

A post shared by M S Dhoni 🔵 (@m.s_dhoni.7) on

કેપ્ટન્સીનો રેકોર્ડ

ભારત તરફથી સૌથી વધુ કેપ્ટનશિપ બનાવવાનો રેકોર્ડ મહેન્દ્રસિંહ ધોનીના નામે છે. તેણે ટીમ ઈન્ડિયા માટે 60 ટેસ્ટ, 200 વન-ડે અને 72 ટી -20 આંતરરાષ્ટ્રીય મેચમાં કેપ્ટનશિપ સંભાળી છે. આ સાથે જ ભારતની તરફથી સૌથી વધુ 27 ટેસ્ટ, 110 વન-ડે અને 41 આંતરરાષ્ટ્રીય ટી 20 મેચ જીતનાર કેપ્ટન છે. 

વિકેટકીપર બેટ્સમેન તરીકે સર્વોચ્ય વ્યક્તિગત સ્કોર

ધોનીના નામે વિકેટકીપર બેટ્સમેન તરીકે સૌથી વધુ વ્યક્તિગત સ્કોર છે. તેણે 31 ઓક્ટોબર 2005એ જયપુરમાં શ્રીલંકા સામે અણનમ 183 રનની ઇનિંગ રમી હતી. આ દરમિયાન તેણે 15 ચોગ્ગા અને 10 છગ્ગા ફટકાર્યા હતા. અગાઉ ઓસ્ટ્રેલિયાના દિગ્ગજ વિકેટકીપર-બેટ્સમેન એડમ ગિલક્રિસ્ટે 2004માં ઝિમ્બાબ્વે સામે 172 રન બનાવ્યા હતા.

 
 
 
 
 
 
 
 
 
 
 
 
 

04 More Days To Go.!❤️😍😍🔥

A post shared by M S Dhoni 🔵 (@m.s_dhoni.7) on

સાતમા નંબર પર બેટિંગ કરતી વખતે સદી ફટકારી હતી 

એમએસ ધોની વિશ્વનો એકમાત્ર એવો કેપ્ટન છે જેણે વન ડેમાં સાતમા ક્રમે બેટિંગ કરતી વખતે સદી (113) ફટકારી છે. તેણે ડિસેમ્બર 2012માં પાકિસ્તાન સામે આ સદી ફટકારી હતી. તેણે પાકિસ્તાન સામે વનડે અને ટેસ્ટ કરિયરમાં પ્રથમ સદી ફટકારી હતી.

Ms Dhoni Birthday Special Five Dhoni Records Cricket sports
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ