આ સિદ્ઘિ મેળવનારો એકમાત્ર ભારતીય ખિલાડી બન્યો 'માહી'

ન્યૂઝીલેન્ડ સામે 3 મેચની સીરિઝની ત્રીજી અને અંતિમ T-20 મેચમાં ગ્રાઉન્ડમાં ઉતરતા જ ટીમ ઇન્ડિયાના પૂર્વ કેપ્ટન મહેન્દ્ર સિંહ ધોનીએ એક અનોખી ઉપલબ્ધિ પોતાના નામે કરી દીધી. ધોનીએ T-20 મેચોની ત્રેવડી સદી નોંધવાનારો પહેલો ભારતીય ખેલાડી બની ગયો છે તેણે આ ઉપલબ્ધિ 12 વર્ષે હાસંલ કરી છે.

ધોનીએ પોતાના કરિયરન પહેલી T-20 મેચ વર્ષ 2006માં સાઉથ આફ્રિકા સામે જોહનિસબર્ગમાં રમી હતી. ટીમ ઇન્ડિયાની પહેલી ઇન્ટરનેશનલ T-20મેચ હતી. ત્યારથી અત્યાર સુધીમાં તે 96 T-20 મેચ રમી ચૂક્યો છે. ધોનીએ IPL સિઝન 11માં ચેન્નાઇ સુપરકિંગ્સ અને પૂણે સુપરજાયન્ટ્સ માટે કુલ મળીને 175 મેચો રમી છે.

ટીમ ઇન્ડિયા માટે વધારે T-20 મેચ રમનારા ખેલાડીઓની યાદીમાં લિસ્ટમાં ધોની પછી બીજા સ્થાન હિટમેન રોહિત શર્મા છે. રોહિતે આજે કરિયરની 298મી T-20 મેચ રમી છે. તો યાદીમાં ત્રીજા ક્રમે સુરેશ રૈના છે. તેણે 296 T-20મેચ રમી છે. આ પછીના ક્રમે 260 T-20 મેચ સાથે દિનેશ કાર્તિક આવે છે. 

ધોનીએ 300 મેચોમાંથી 96 મેચ ટીમ ઇન્ડિયા માટે રમી છે. આ ઉપરાંત ચેન્નાઇ સુપર કિંગ્સ માટે 169 મેચ અને રાઇઝિંગ પુણે સુપર જાયન્ટ્સ માટે 30 મેચ રમી છે. આ ઉપરાંત ધોનીએ 4 મેચ ઝારખંડ માટે ડોમેસ્ટિક T-20 ટૂર્નામેન્ટ રમી છે. તો એક મેચ તેણે 2011માં ઇંગ્લેન્ડ ટૂર માટે ઇન્ડિયન ટીમ માટે રમી હતી.