ભારતીય ટીમના પૂર્વ કેપ્ટન મહેન્દ્ર સિંહ ધોની હંમેશા પોતાના પ્રશંસકોને નવા લુકથી હેરાન કરી નાખે છે. આ વખતે પણ તેમણે કઈક આવુ કર્યુ છે. તેઓ ઈન્ડિયન પ્રીમિયર લીગના થોડા દિવસ પહેલા બસ ડ્રાઈવર બન્યાં છે. તેમણે બધાને બેસાડીને બસ પણ ચલાવી છે.
ધોનીનો વીડિયો IPL મેનેજમેન્ટે શેર કર્યો
રજનીકાંત સ્ટાઈલમાં ડ્રાઈવર બની બસ હંકારી
ધોનીએ IPLને લઇને એક જાહેરાત પણ કરી
રજનીકાંત સ્ટાઈલમાં બસના ડ્રાઈવર બન્યાં ધોની
રજનીકાંત સ્ટાઈલમાં ડ્રાઈવર બનેલા ધોનીનો આ વીડિયો આઈપીએલ મેનેજમેન્ટે શેર કર્યો છે. ખરેખર, ધોનીએ આ આઈપીએલને લઇને એક જાહેરાત પણ શૂટ કરી છે. જેના દ્વારા આઈપીએલ પ્રત્યે પ્રશંસકોનું પાગલપન બતાવવામાં આવ્યું છે. વીડિયોમાં ધોની બસને લઇ જાય છે ત્યારે રસ્તા પર અચાનક બ્રેક લગાવે છે. જેનાથી ટ્રાફિક જામ થાય છે. પછી બસને પાછળની તરફ ધકેલવામાં આવે છે. બસને અટકાવીને બસમાં બેઠેલા મુસાફરોને બારીમાંથી બહાર જોવાનુ કહે છે. અહીં તેઓ પૂછે છે કે બધાને દેખાઈ રહ્યું છે ને?
When it's the #TATAIPL, fans can go to any extent to catch the action - kyunki #YehAbNormalHai!
આ દરમ્યાન એક ટ્રાફિક પોલીસકર્મી આવે છે અને પૂછે છે કે શું ચાલી રહ્યું છે ત્યારે ધોની કહે છે કે સુપર ઓવર ચાલી રહી છે. જેના દ્વારા અંતમાં જણાવવામાં આવે છે કે આ ટાટા આઈપીએલ છે. આ પાગલપન હવે નોર્મલ છે. મહેન્દ્ર સિંહ ધોની આ વખતે પણ ચેન્નઈ સુપર કિંગ્સ ટીમની આગેવાની કરતા જોવા મળશે. ચેન્નઈ ટીમે તેમને આ વખતે 12 કરોડ રૂપિયામાં રિટેન કર્યો છે. જો કે, ધોનીથી વધુ પૈસા આ વખતે રવિન્દ્ર જાડેજાને મળશે. જાડેજાને 16 કરોડ રૂપિયામાં રિટેન કરાયો છે.