મહેન્દ્ર સિંહ ધોનીનું સોમવરે ચેન્નાઇ સુપર કિંગ્સ તરફથી પહેલા પ્રેક્ટિસ સેશન દરમિયાન એમએ ચિદમ્બરમ સ્ટેડિયમમાં જોરદાર સ્વાગત કરવામા આવ્યુ.
મહેન્દ્ર સિંહ ધોની પોતાના કરિયરને લઇને લાગતી તમામ અટકળો વચ્ચે પ્રેક્ટિસ મેચ રમવા માટે પહોંચ્યો અને નેટ પ્રેક્ટિસ દરિમયાન જ્યારે ગ્રાઉન્ડમાં આવ્યો ત્યારે તેની ઝલક જોવા માટે ફેન્સ મોટી સંખ્યામાં હતા. સ્ટેડિયમમાં ધોની-ધોનીના નારા લાગી રહ્યા હતા અને ધોનીએ નેટ પ્રેક્ટિસ કરી હતી.
વર્ષે વન ડે વર્લ્ડકપ પછી એવી જ અટકળો લગાવવામાં આવી રહી હતી કે આ સીનિયર ખેલાડી હવે ક્રિકેટને અલવિદા કહી દેશે. કારણ કે પૂર્વ ભારતીય કેપ્ટને ત્યારથી જ કોઇ મેચ રમી નથી. જોકે ઇન્ડિયન પ્રીમિયર લીગમાં તે કમબેક કરશે. સીએસકે ધોનીની પ્રેક્ટિસનો એક વીડિયો પણ પોતાના ઑફિશ્યલ સોશ્યલ મીડિયા એકાઉન્ટ પર શૅર કર્યો છે.
Here’s our beloved MS Dhoni, all set to make his comeback in #yellove.💛🦁
— MS Dhoni Fans Official (@msdfansofficial) March 2, 2020
ફેન્સને જોવા મળી ધોનીની ઝલક
આ પહેલા ધોની જ્યારે ચેન્નાઇ સુપર કિંગ્સની ટીમની બસમાં સવાર થઇને સ્ટેડિયમ માટે નીકળી રહ્યો હતો ત્યારે તેના ફેન્સ તેની ઝલક માટે ઉભા રહ્યા હતા. બસની આસપાસ ટૂ વ્હીલર પર સવાર થઇને ફેન્સ ધોની ધોની ના નારા લગાવી રહ્યા હતા. આ દરમિયાન ધોનીની ઝલક પણ તેના ફેન્સને જોવા મળી હતી.